ســـلام ياربعي هل الطـــالات من ماض الزمن=تحيتن تبقى عــلى مـر العصور الفانيه
ياوين ابلقى شاعرن يارد بهن شرد الهجن=واللي بوسط الجم تأتي به حبال السانيه

يا مرحبا يا مرحبا واقلط على تمر ولبن=انته من اهل المنطقه وانته من العتبانيه
هات العلوم اللي تباها شام والا من يمن=وابشر معك يا صاحبي لبدع بها الالحانيه

الك البقا يابونجر والناس كلن له وطن=مذكور في تال الزمن ياصاحبي يالعانيه
ماروح الفارس يعن الخيل وبليا رسن=احسب لها فالاوله واحسب لها فالثانيه

حنا ضرانا بالشجاعه ما ضرانا يالجبن=وانتم رجال(ن)تنعرف بالسيف والميدانيه
الفارس اللي تذكره معروف في كل المدن=يا قشر ما ياقف على دربه من العدوانيه

المشاركة الأصلية كتبت بواسطة مرزوق العتيبي (المشاركة 234718) ... . واصلووووووا يامبدعين.. وحنا متابعين ..

الامن في تال الزمن ماعاد تلقى له ثمن=وانتم وحنا نعم قومن كلنا شجعانيه
واحذر تعصر الزبد مايطلع ياكود الا الجبن=والناس ترصد فالدقيقه ياولد والثانيه

الله يعزّ الدين يا رجّال ويعزّ المعن=والله نعَم على الانساان نعمت الايمانيه
هاذا ماهو ليّه يا صاحبي قلّي لمن لمن=لاكنّ ياراع الكحيله جوّد الاعنانيه

المشاركة الأصلية كتبت بواسطة خلف بن مرزوق (المشاركة 234959) ... .. الدماسي والجماهيري :ابو نجر الله يعطيكم العافية متابعتكم متعة وفائـــدة مودتي .

كان اللبن يابو نجر ماصب من خشم السعن=ابا اتهنى في لذيذ الزاد والرمانيه
واللي يموت من الغبن خله يموت من الغبن=وخطام ريمه حزمينه من على الامتانيه

حنا ترانا ما نزلنا يالدماسي بالطمن=وان كان ودّك تهتني في هالرجال العانيه
انته كفو وانا كفو واحبوبهم داخل رحن=وان كان مابين العرب صولات ولا اكوانيه