تعال يامرزوق والقاسي يلين=نبا نسولف والسوالف عانها
وين البعير أشعيل ابو جنب(ن) متين=دارت به الدنيا على ذرعانها

هات السوالف هاتها والله يعين = ماتشتكي نفس ٍ وربي عانها
العلم عندك ياعشير الغانمين = ذي حالة الدنيا وهذا شانها

أمسيلمه تبغا تحكم المسلمين=صفحة زمن مار أنمسح عنوانها
من لا سعى للطيبه والطيب زين=يرحل وتبقا سيته بلوانها

إمسيلمه كـــــذاب مايلقى عوين =نفسه على فعل الرديه هانها
والطيب لهل الطيب مقصود ٍ ثمين = سلعه ماكل ٍ يستطيع اثمانها

الله يلوم اللي يلوم اللايمين=هزت عمود البيت هرج السانها
والله يخلي صاحب المد السمين=ولد النعيري لا شتبك دخانها

آآمين يالله لاتهين المخلصين = اللي يبون العدل في ميزانها
انته وانا ووجود كل الطيبين = البيت في راس الجبل مسكانها

عهد(ن) عليه والعهد مثل اليمين=واشره على منهو عهوده خانها
اني لكم ياصاحبي مثل اليمين=عز الديار العامره سكانها

هذا الامل بك كلبونا عارفين = انك من رجال ٍ طوال ايمانها
خل الدويني لو لعب لعبه يبين = والله وبالله ماخفا نيشانها

حدد لنا الوجهه وحنا جاهزين=الملعبه دوب احتما ميدانها
الذيب دايم مايحب ابا الحصين=يافرحتي باللي قلع سيسانها

يالله لاتبقي حياة المفسدين= اللي تحط السم في قدحانها
المختصر ياصاحبي في كلمتين = وسط السفينه والبطل ربانها

ابغضت انا شركة مواشي واللجين=وابو نجر هامورها ديانها
ينعاف سوق(ن) فيه كل المفلسين=عدل وبدل وانتبه من شانها

السوق كله في خطر .. تروح وين ؟ = واللي ربح يضحك على خسرانها
كل ٍ يروح ايسار مايبغا يمين = وابو نجر رجل ٍ كفو ماشانها

أنا نصحتك والنصيحه رمش عين=ترى النصيحه مانقفل بيبانها
الله ماجمع غار وفق من سنين=ماقول غار اصبر على زيرانها

ابا انشدك يوم انت رجال ٍ ذهين = فالحيه اللي كشرت نيبانها
قعدت افكر في هدفها ساعتين = ثم قلت اخير من الحكي حقرانها

المشاركة الأصلية كتبت بواسطة مرزوق العتيبي (المشاركة 234223) ههههههه الله يرجك وش دخل ابو نجر فالموضوع !! السوق كله في خطر .. تروح وين ؟ = واللي ربح يضحك على خسرانها كل ٍ يروح ايسار مايبغا يمين = وابو نجر رجل ٍ كفو ماشانها

لولا سعت صدرك يابو قلب(ن) فطين=يحرم عليه مالتوي باركانها
والله وامانه منك ماصدري حزين=لوتشعل الميدان من نيرانها

المشاركة الأصلية كتبت بواسطة أبو نجر النفيعي (المشاركة 234248) كفو يابو محمد مار لو تطلعوني من الموضوع افضل هههههههههه متابع وفي صفك يابو محمد عشانكـ ........ ههههه تقديري

ماقلت لي يومي نشدتك يالرزين = نبغى الاجابه منك ياشامانها
والليل طرف والصباح مداومين = والشغل ياصعبه على سهرانها

المشاركة الأصلية كتبت بواسطة خالد اوصاهب (المشاركة 234255) مبدعين لكن هدّوا شوي ترا الدنيا ما فيها امان والناس ما تزعل عبث واضنكم فاهمين وخصوصا ابو محمد لا هنتوا واصلوا وحنا متابعين

هدّوا شوي ترا الدنيا ما فيها امان والناس ما تزعل عبث

المشاركة الأصلية كتبت بواسطة بعيـد الهقاوي (المشاركة 234257) حياك ياخالد نورت الصفحه يالغالي|194| والضاهر انك مع الربع مضاربين المواشي|192|

المشاركة الأصلية كتبت بواسطة مرزوق العتيبي (المشاركة 234256) الله الله ماقلت لي يومي نشدتك يالرزين = نبغى الاجابه منك ياشامانها والليل طرف والصباح مداومين = والشغل مايسهل على سهرانها ههههههه من هوون نقول صح لسانك ونشكرك على اتاحة الفرصه .. .. اخوك . ..

المشاركة الأصلية كتبت بواسطة مرزوق العتيبي (المشاركة 234259) :) لا والله انا مش فاهم قصدك يابو.. و ليد بليز فهمني !!! ...

المشاركة الأصلية كتبت بواسطة خالد اوصاهب (المشاركة 234265) ههههههههه ابو محمد ما اضنها تفوت علاك راجع وتذكر اللي انا شنقتها .... هههههههههه تقديري واحترامي