والله لخنق النفاعي لين ماينطق =حتى لياشافني يغص ثم يشرق
سحابةٍ مابها رعدٍ ولاتبرق = وحده بوحده والبادي على راسه

النفاعي على راسه نزل = نجم هاوي ودك اوتادها
الجبل ياعرب عود سهل = بادها يالنفاعي بادها

ابو نجر يالسميري عارف المقصد=ردار ثابت ويرصد بالفكر يرصد
لاكنّك انته تدحدر مار هو يصعد=وحده بوحده والبادي على راسه
النفيعي يسوقك يا جمل=مار خلّك هنا ببعادها
السميري ترا عوّد خبل=نادها يالسميري نادها

أثرك رادار تلقط كل الاخباري = مجمع اعلوم وعلمك منت به داري
والذيب حوّل مع الضلعان لك ساري = وحده بوحد والبادي على راسه

الجمل لو هبد ظلعك نحل = مادرى عن كبار قرادها
السميري ينادي يارجل = جن ابونجر محدٍ صادها

انا ردار(ن)ولاقط يا ولد فيها=يوم انّك انته على الديره تسويها
لاكنّ يا شيخ والله ما تساويها=وحده بوحد والبادي علـى راسـه
الجمل فيه فرق اعن الفحل=ارصدك يا ولد مرصادها
وابك جني تراها بالمحل=مار طعني قبل لقتادها

أنا على شداد وانته ضمن الافرادي = منته بضدي ولاتحسب من اضدادي
رووح يبى يصيد ثم(ن) جاك مصطادي = وحد بوحد والبادي على راسه

جامعٍ مثل ماجمع النمل = ماتفيده ولاهو فادها
نقرى صورة تبارك والنحل = لين ترجع على مرقادها

ترا السميري يا ربعي طامع(ن)طمعه=يبا يخلّي على الاسم هذا لمعه
لاكن يبطي عظم لطفيله الشمعه=والسالفه يا وسيع العرف مكشوفه
يالهواء منت مثّر بالجبل=يالربع زد طرحنا اشدادها
يا جماعه ترا هذا هبل=زادت اليوم فيها اعنادها

أسمي يابونجر دايم فوق مرقابي = والنار حيه ودوك الليل مشهابي
ارجع لمرزوق ويقول الك الاسبابي = وحده بوحده والبادي على راسه

ابك لولا السميري ماكمل = كل حجه لها شّهادها
ننتبه من مخاديع الثعل = نعلن الليل قوم جهادها

المشاركة الأصلية كتبت بواسطة السميــــــري (المشاركة 234177) أشكرك يابونجر على التوقيع يالغالي كريم بن كريم أسمي يابونجر دايم فوق مرقابي = والنار حيه ودوك الليل مشهابي ارجع لمرزوق ويقول الك الاسبابي = وحده بوحده والبادي على راسه ابك لولا السميري ماكمل = كل حجه لها شّهادها ننتبه من مخاديع الثعل = نعلن الليل قوم جهادها