يا ليله اللي مع الشعار نقضيها=نبا لنا من طواريق(ن)نسرّيها
يا ليت خالد على الطاروق يعطيها=والارض بجبالها والدار برجالها
ازهمو خالد الليله نباها تطيل=ودّنا في علوم(ن)طال مشوارها
ودّنا في معاني ما يجيها الرجيل=وانشدك عن رجال(ن)شانت ادوارها

جيتك وجاك السعد من يوم انا جيتك=لن كان تزهم تراني عندك اوحيتك
ناوين جفر الجبل ياذيب كفيتك=والارض بجبالها والـدار برجالهـا
فالبدايه بدانا كلها شد حيل=والعرب كل ابوها نعرف اخبارها
ويش راي النفاعي في طراب الصخيل=والجبال العسير تنزل جفارها

الله واكبر على اللي حط دوبه علاك=يبغا يناطح جبل مار الجبل في ذراك
مار انتبه يا رفيقي قبل يلعن ثواك=الارض بجبالها والدار برجالها
بنشدك يا رفيقي يم ذاك الخبيل=هادم اعمارها ما باني اعمارها
وانت واحد عتيبي تفهم المستحيل=مار خل العرب تشوا على نارها

المشاركة الأصلية كتبت بواسطة خالد اوصاهب مرحبا يالسماري نورت الصفحه وتراني انا وياك ناوين ابو نجر بس مهوب الليله

ما عليه من اللي جا يصيح ويبابي=كان يبغى الردى والله ليسوى الترابي
وانت تعرف وش اللي صار في كل هابي=والارض بجبالها والدار برجالها
ادري انه يابونجر النفيعي هبيل=والبسيطه لزوم يثور غبارها
كان جاني فيبشر بالعمى والحصيل=وان تسهل عساه يشوف معبارها

المشاركة الأصلية كتبت بواسطة أبو نجر النفيعي صح ابدنك يالسميري ولاهنت مار يا خالد ما تلاحظ ان السميري يقلط المشرفين بالرد هههههههههههههههههههههه الله لا يهينك على المروور

انته كفو يالعصيمي مار شكلك تهاب=ان شفت نار العدو فيها شوي انقلاب
حدو سنون المعارك يا هضولا الذياب=الارض بجبالها والدار برجالها
ما علانا يا خالد دوم من هالطفيل=الردا مانباه وجيبو اخيارها
من يبا الحرب يدخل في يمينه صقيل=وانت تقوا الحروبه وانت جبّارها

ما نهاب وترى الجمهور شاف الفعايل=منهو اللي صمل في يوم فيه الصمايل
طلعت ذاك الضعيف كنه ام الجدايل=والارض بجبالها والارض برجالها
يوجد اسم(ن) تحت والظاهر انه شعيل=جا يشوف الملاعب هقوتي زارها
ويلنا يالنفاعي كان فاللعب ميل=والحرار الشقر ياكود ميكارها

اركد شويّه ودقق يالعصيمي هناك=انته من الخوف حتى صار يخطي مداك
الخوف يا صاحبي ذالليل يسري علاك=الارض بجبالها والدار بجبالها
انت شفت الرجال اللي تضدّ المخيل=عانها يالعصيمي ماش من غارها
خل عنك المهايط خل قال(ن)وقيل=والسواليف محفوضه على طارها

والله لاني بلا خايف ولا ارتاعي=واضنك انت الذي ذا الليل منصاعي
وان كان قرب لمخته لمخ بذراعي=الارض بجبالهـا والـدار بجبالـهـا
لو تكب الرياء كان انته اطلق عميل=جعل ربي يكافيكم من اخطارها
فك ضرف السمن مادام منته بخيل=تبرك الزمل يالصاحب على ازواها

اترك هروج الشقا وارتاح بالبرّا=من قبل لا يحذفك يا صاحبي برّا
انته تجرّا هنيّا مار لا تجرّا=الارض بجبالها والدار برجالها
وابك لولاه يا رجّال شفتك تليل=مار خل العلوم اللي وخل مشوارها
ما ورا الصبح يا رجّال غار المقيل=بندقك يا صحيبي هس معيارها

المشاركة الأصلية كتبت بواسطة خالد اوصاهب والله لاني بلا خايف ولا ارتاعي=واضنك انت الذي ذا الليل منصاعي وان كان قرب لمخته لمخ بذراعي=الارض بجبالهـا والـدار بجبالـهـا لو تكب الرياء كان انته اطلق عميل=جعل ربي يكافيكم من اخطارها فك ضرف السمن مادام منته بخيل=تبرك الزمل يالصاحب على ازواها

وابك انت وجعان لا تخلط كبار الهروج=انا معلمك عن واحد وصدفه تموج
وانته عوج والعرب ماهي هنياه عوج=الارض بجبالها والـدار برجالهـا
انت يالهيس الاربد كل هرجك هزيل=لا تغير كلام الناس وافكارها
انت اشوفك كثر عندك هنيا ضويل=لا تصدق من العالم ولا اشوارها

انته كشفت السوالف وانت قايلها=لا تنحرف يا صحيبي وانت ماكلها
خلاص يا صاحبي منته بواصلها=الارض بجبالها والدار برجالها
قمت تحرف علومك يا هذاه الرخيل=مار ثابت علاك الهرج وسبارها
الرجال الكريمه تفتهم يا حويل=مار شكلك حوَل وتشيل باسفارها

انته تلفق كلامي جاتك الغيرة=من يوم انا واصل القمه على السيرة
ودك تخرب علي بقول تزويرة=الارض بجبالها والـدار برجالهـا
لو تنافق مداك ضعيف وانته نصيل=ما حد يصدقك مخبلك ثرثارها
الرجال الكريمه ما تعاين عجيل=ما تعاين لحمرا ترز منقارها

انته تحلّم وذابحك الحلم يا خي=منته بواصل لقمّه وانت به صاخي
مكشوف يا شيخ لوّ ان تقعد انتاخي=الارض بجبالها والدار برجالها
ما ننافق يا جعلك للعنا والغويل=وابك انامن صقور(ن)وانته احبارها
انت كنّك سوات العود تنحل نحيل=جبتها فوق راسك بانت اضرارها

ان كان تبغى الذي يجمد على الشارب=واطيك ياصاحبي في جلمد الغارب
انته اوجارب ولا به غيرك اوجارب=الارض بجبالها والـدار برجالهـا
والله انا نعرف اللي يجيه الجفيل=عايفين الخباره وانت يافارها
والله اني جمل والاانت باقي طفيل=ياطفال(ن) هنيا تزعج خوارها

انته تحوص اوتدوس وطالب الفكّه=تاتي بعلم الردى واركّها ركّه
لاكنّ يا صاحبي يامبعد السكه=الارض جبالها والدار برجالها
انت يا صاحبي تمشي على اخر مديل=مار يالله تجيب السالفه خارها
لاتزيل الحميّه بيننا لا تزيل=داك انته رجل وتعيش فاجوارها