|
الشيخ محمد بن لبدة القحطاني يتحدث عن اخراج عتيبة لقحطان من ديارها
بسم الله الرحمن الرحيم
يقول الشيخ / محمد بن عبدالعزيز بن قنيفذ بن لبدة , في احد لقائته في مجلة البواسل , العدد الثاني والعشرون - السنة الثانية - ابريل 2005م , ص 74 , وهو يتحدث عن قبيلة قحطان , مانصه: (( حتى وصل الإمر ألى انهم تمركزوا في نجد ولايمكن لاحد ان ينزل عليها الا بإذن او ان يسوق لذالك الهدو والقيود واستمر الحال على ذالك حتى قدمت احدى القبائل من الحجاز وطلبت من ابن هادي النزول إلى نجد لكنه رفض إلا ان يسوقوا الهدو والقيود , ونتج عن ذالك ان نشبت معارك كبيرة وكثيرة اخذت تلك القبيلة بعض مواقع قحطان في نجد )) ويقول المؤلف محمد ابن بليهد , في كتابه صحيح الاخبار عما في بلاد العرب من الاثار ويتكلم عن اخراج قحطان لمطير ثم اخراج عتيبة لقحطان: ( وقالت شاعرة مطير ، مويضي البرازية ( من البرزان من بطون مطير ) أبياتا من الملحون ( وأهل نجد والخليج يسموننة النبطي ) منها: نجد حميناها من أولاد وايل ... واليوم عدونا سكن وادي الراك أما أحتميناها بحد السلايل ... والا عطينا الشاة ذولا وذولاك ثم جاءت قحطان ، فكانت بينهم وبين قحطان حروب . وأخرجتهم قحطان . وجاءت عتيبة وأخرجت قحطان ) ويقول البلادي في معجمة " حاربت عتيبة قحطان فأجلتها عن الارض الممتدة على جانبي الطرق النجدية بين الدفينة والدوادمي ) والمصادر كثيرة ومن القصايد لبعض القبايل المجاورة الي احفضها قصيدة حسن بن عبدالله بن حسن العماري الدوسري يرد على شاعر من قحطان منها: حتى قال: وغيرها من قصايد بعض شعار القبايل غير عتيبة ومن ابيات بعض العتبان يقول بديوي الوقداني ويقول الشيخ ضيف الله العفار ويقول الشيخ هذال بن فهيد وقول الشيخ هذال لمناحي بن سعيدان القحطاني وقول مخلد القثامي وقول الفارس ابالجلاد العصيمي وكانت قبايل قحطان في بدايتها تحارب بجذميها الجحادر وعبيدة وبعد هزايم قحطان المتواليه استفزعت بقبايل الدواسر ومن لمصادر 1- ذكر ابن خميس في كتابه معجم جبال الجزيرة , الجزاء الثالث , صفحة 163 , وقعة بين قبيله عتيبة بقيادة الشيخ عقاب بن شبنان بن حميد من جهه , وقبيلتي قحطان والدواسر من جهه , قرب مكان يقال له سناف الطراد بالقرب من هضبه تيما جنوب هجرة الشعراء , وقد استمر بينهم الطراد على الخيل لعدة ايام انتصرت فيه عتيبه على قحطان والدواسر , وقتل من الدواسر عدد كبير. كما اورد هذه الوقعة صاحب كتاب: 2- المعجم الجغرافي للبلاد السعودية , عالية نجد , القسم الثاني , من حرف ( خ - ظ ) , تأليف سعد بن عبدالله بن جنيدل , ص 708 , وذكر انتصار عتيبة على قحطان والدواسر , وقتل عدد كبير من الدواسر. وكانت هذه السنه عام 1290هـ تقريبن وكذلك معركة طلال الثانية نفس السنه وكان الامام فيصل بن تركي قد هجم على الروقة مع عدة قبايل وقبايل قحطان والدواسر هجمت على برقا المحادية لها فكانت برقا فقط ضد قحطان بجذميها الجحادر وعبيدة والدواسر بجذميها تغلب وزايد وروق فقط ضد الامام فيصل بن تركي معه عدة قبايل وكان اتفاق بين الامام فيصل بن تركي وقبيلة قحطان للخلاص من عتيبة ولكن كانت النتيجه عكسية وقد خسرت في هذه الحروب عتيبة وقحطان بعض الشيوخ والفرسان زيادة على خسارة قحطان لاراضيها _______________________________________ ملاحظة هناك اقول تقول ان من نزل من الحجاز من قبائل عتيبة يساوي الربع وهناك اقول تقول الثلث لان كل قبيله من عتيبة في نجد لها امتداد في الحجاز بعكس بعض قبايل عتيبة فالحجاز فيه قبايل من عتيبة فالحجاز لا يوجد لها امتداد في نجد ومن عنده اضافيه لايبخل علينا |
اسلام عليك
موضوع متكامل وبمصادر لاهنت ويعطيك العافيه يالقرم وتقبل التحيه |
لاهنت ياعكااااام
على المعلومااااااااات القيمه تقديري |
..
موضوع تستحق عليه الاشاده يالعكام دائما نجد الفائده في مثل هذه المواضيع الموثقه ومن اكثر من مصدر .. .. . |
لاهنت يالعكااااام
على المعلومااااااااات القيمه تقديري |
انعم واكرم في الشيخ الكريم/ محمد بن لبدة
وانعم واكرم بقبائل عتيبة وقحطان نريد هكذا مواضيع موثقه ومثبته الله لايهينك , بعيد عن سرد الحكايات والقصص الانشائية , ومداخلات صغار السن الطفولية في خضم التاريخ. تحياتي |
"وشهد شاهد من أهله" الاخ العكام كفيت ووفيت لاهنت طال عمرك |
جزاك الله خير اخووي العكام على هذ المقال الرائع
وقبيلة عتيبه وقبيله قحطان ونعم والله فيهم |
بيض الله وجهك ياعكام
|
بن لبده ..جاب الزبده..
وجدوده فرّيس..ويعرفون عتيبه جيدا.. كما نضيف دلاله تاريخيه .. ذكر أبن بليهد في الجزء الثاني من كتابه صحيح الأخبار صفحه 130-131 أن تركي ومسلط رحمهما الله تعالى جاء كل منها وطلب الأمان للرعي في نجد . وكان ابن هادي في نجد لا ينازعه أحد السلطة : قال ابن بليهد مانصه " فلما مضى قليل من القرن الثالث عشر ظهر ابنه محمد بن هادي ، وأخرج مطيرا جميعهم من نجد فلم ينازعه في نجد أعرابي " وقال " وبقي محمد بن هادي بن قرملة وقبيلته في نجد لا ينازعهم فيها أحد وكان من أراد الرعي من مطير أومن عنزة أو من حرب أو من عتيبة المقيمين في الحجاز يأتي إلى هذا الشيخ فيأخذ منه الأمان ثم يرعى حيث شاء " وكان سبب هزيمة ابن هادي وردّه إلى حدوده التي خرج منها في جهة الجنوب في بيت واحد من قصيدة نبطية لتركي بن حميد يخاطب فيها ابن هادي حين تغيّر عليهم ، وعزم ان لا يفي بما بينه وبينهم : وهو أن يؤدي بن حميد ما تأخذه عتيبة ويؤدي بن هادي ما تأخذه قحطان فقال تركي قصيدة منهاهذا البيت الذي ذكر فيه خفر الذمة أديت أنا اربع قحص خامسهن التوم...... وقعود زبن اللي بغا ما حصل له . وقد دارت بينهم معارك عظيمة ، وكانت الانتصارات فيها لعتيبة ، ورئيسهم في تلك المعارك تركي بن حميد ، وكان الذي هدم هذا العز الشامخ الذي لم ير مثله في جميع العراب هو تركي ابن حميد ، هدمه من اسه ، فلم يبق له ذكر " . ..وهذا نص موثق ومثبت و صريح ..لايريد ..مزيد ..من التوضيح.. |
اضافه رائعه وكلها اضاءه يابعيــــد المرامع... لاهنت . .. . |
مشكور اخوي العكام ... مشاركة تستحق التقدير على الرغم من أن اخراج عتيبة لقبائل قحطان من نجد موثق , متواتر ومستفيض لدرجة اصبحت معها شهادة القحطاني تحصيل حاصل ......
عين ....... |
فعلا موضوع موثق ومتواتر ..
لكن اسمحوا لي بان اغير قليلا بمسار الموضوع لأن هناك سوآل فعلا محيرني لم اجد له اجابه شافيه ؟ وربما اذا طرحته هنا اجد الاجابة عليه .. مع بعض التفاصيل : لماذا هذه القبائل التي تعاقبت على الاستيلاء على نجد لم تحكم المدن ؟؟ وهل كان الاستيلاء فقط للمراعي والبراري دون ان تمتد سلطة شيوخها وامرائها الى المدن ؟؟ انا اعتقد ان الوضع في تلك الحقب يشبه الوضع في اليمن الى عهد قريب ؟؟ حيث تجد ان الحكومة المركزيه تقتصر سلطتها على المدن الرئيسيه .. بينما شيوخ القبائل يتمتعون بكامل سلطاتهم خارج لمدن .. لدرجة ان كل شيخ قبيله يضع دروازه [بوابه على شكل نقطة حراسه ] وياخذ نوع من الضريبه على الداخلين الى حدود قبيلته حتى من افراد الحكومه وانا متأكد مما اقول وقد يستغرب البعض مثل هذا الكلام . فهل كان الوضع عندنا يشبه ذلك ام ان هناك تفسير آخر .. ارجو ان تكون فكرتي واضحه .. وكذلك تساؤلاتي .. |
اقتباس:
|
مشكور اخي عين العقل على تجاوبك ..
والحقيقه ان ما تفضلت به اجاب على جزء من تساؤلي .. ولكن : لازال هناك شيء في النفس لم يتجلى جوابه بشكل واضح .. فانا طبعا اتفق معك عندما يتعلق الامر في الحجاز بوجود قرى يسكنها عتبان منذ حقب طويله .. ولكن الحقيقه التساؤل يتعلق بنجد .. فأرى اولا يجب التحديد ماذا نقصد بنجد على وجه التحديد يعني الحدود الجغرافيه والمدن الرئيسيه .. ومختصر ما اراه حاصل في نجد في تلك الازمنه هو كالتالي : [[ ان القبائل كانت تتقاتل على شيئين فقط وهو المرعى وموارد المياه ومعنى استيلائها على نجد هو الاستيلاء على المرعى وموارد المياه .. ولهم بدون استثناء علاقات جيده مع سكان المدن وامرائها وشيوخها في الغالب وتقتصر علاقتهم مع سكان المدن في نجد بالتبادل التجاري طبعا المحدود كمقايضة التمور والارزاق بغيرها مما لدى الباديه من اغنام واقط وسمن ...الخ ] وهذا ملاحظ ايضا في باقي مناطق الجزيرة العربيه في فترات معينه سابقه .. والله اعلم . |
الله لايهينك يابعيد المراميع على مداخلتك الموثقه
واشكر كل من رد على الموضوع |
لاهنت يا خوي عكاااااام
وبيض الله وجهك وما قصرت ونتمنى لك التوفيق |194| وعلى فكره ترانا بانتظار مواضيع اخري منك ولاتبخل علينا |
أشكرك يا العكام على الموضوع اللي بصراحه فيها حماس والله
وأتمنى انك ما تبخل علينا ولا هنت يا الغالي العكام |
اسلام عليك
موضوع متكامل وبمصادر لاهنت ويعطيك العافيه يالقرم وتقبل التحيه |
مشكور على النقل . لكن عندي استفسار انا كنت بجولة بمنتدى قحطان ياجماعه الدعوه عندهم بربسه في بربسه يقولون حنا ذبحنا وذبحنا وذبحنا مايدرون انه الفرسان والشجعان يموتون بالمعارك وساحة الميدان وكل قصصهم ولله ثم ولله مالها مصادر سواليف بسواليف (استفساري لماذا لايعترفون بأن عتيبة الهيلا اخذت مكانهم في نجد وهدمت حكم بن هادي الصرح الشامخ على راسه وعلقً بالحصاه)
|
بارك الله فيكم
ومنكم نستفيد |
اسلام عليك
موضوع متكامل وبمصادر لاهنت ويعطيك العافيه يالقرم وتقبل التحيه |
>>>>>>>>>>
نرجو منك مراجعة الادارة للتأكد من مسمى معرفك الادارة |
هلا يابن حطاب والي قلته انا مسنده بتوثيق وقصيد موثق فالكتب
وليا بغيت تدورك معاذير حنا نعطيك صحيح والي حاربوا قحطان هم برقا في الدرجة الاولى ومع ذلك تحالفت قحطان مع عدة قبايل يعني الي حاربوا عتيبة في مناخ الحرملية على سبيل المثال 1- قحطان 2- مطير 3- حرب يعني تبا تعدلها منا الحقيقة والي صار يجبرك على الرجوع للصواب وتقول الجحادر وربع ابن شفلوت من عبيدة وين راحوا ال جروى من عبيده وغيرهم |
ان كان قصدك ان الي اشتهرو مشايخهم ورجالهم من قحطان هم كثير من الجحادر وابن شفلوت من عبيده اقولك كلامك صحيح
والدليل على كلامي اقر في تاريخ قحطان في منطقة الجنوب مقرهم الاصلي مااشتهرو منهم احد مثل شهرت بعض مشايخ الجحادر وابن شفلوت من عبيدة وهذا وعلى ان بعض المنتسبين في قبايل قحطان في الجنوب غير قحاطين بداية من الحباب ووادعة وانتها بالفيضيين والي نسميهم في نجد خضيرية خط 110 |
http://www.otaibah.net/m/showpost.ph...6&postcount=18 يا عيد بن حطاب العضياني لنا الشرف أن تكون معنا وأنا من زمان ابحث عن قصيدتك اللي تقول فيها الكلب ربي خالقه ينبح الذيب! تكفى يا سليل عضي تكفي يا صلب غصاب ومن ورى غصاب مزحم. اتحفنا بما عندك. أنت شاعر رنان في ذهن كل عتيبي. ومهضوم اعلامياً |
اخوي العكام كفيت ووفيت ولا هنت وتقديري اخوك الروقي |
هذا خلوه فوق لاينزل حدر
|
.................................................. ...
الحربي مداخلاتك في غير محلها وان كان عندك شي يستفاد منه ومصادر موثقه افتح موضوع جديد وهات ماعندك وبنعطيك ماعندنا الاداره |
لاهنت وماقصرت على هالمقال الأكثر من رائع والموثق بمراجع ...
|
اخراج عتيبه لقحطان من ديارها بالقوه معروف عند كل اهل نجد ومع ذلك موثق فالكتب المحايدة
وقحطان كان لهم هيبه بعد طردهم للمطران من ديارهم في نجد بالقوة ولكن قامت علاهم عتيبة وخذت ديارهم في نجد بالقوه والشيخ عبدالعزيز بن لبدة قال الشي المعروف ولاجاب شي جديد بيض الله وجهك يالعكام |
الله لايهينكم مشكورين على ردودكم
|
هالموضوع صارله قصه طريفة
كان معي قحطاني عاطفي علومه كبار والرجال ونعم مافيه نقص الحق يقال وكانت سوالفنا عادية ونتطرق لعتيبة وقحطان بس مانطول يوم من الايام صار بيني وبينه نقاش وحنا في استراحة والموجودين انا وياه واثنين من اهل الجنوب واحد شهراني وواحد مالكي وسالفه تجر سالفه لين جينا عند طرد عتيبة لقحطان من نجد بخشوم الهنادي ومزارق الشلف وطال الكلام بيني وبينه في هالموضوع الرجال مار يجحد عيني عينكم ويقول نجد حكمناه وطردنا الدواسر والسبعان والمطران وذبحنا شيخهم وطبان وانتم يالعتبان كل ماجيتونا هزمناكم وذبحنا شيوخكم ولانزلتو فيه غير امس شريتو مزارع وارضي في عهد الملك عبدالعزيز وسكنتو فيه ولونكم طاردينا كان جو باقي قحطان من الجنوب ورجعو ديرتهم من العتبان قلت هذا كلامك يالقحطاني تبا تبرر مار الله ماوفقك وهالكلام مهوب قوه لك لاوالله الا استضعاف وضعافة منك قلت اول شي كل اهل نجد يعرفون ان العتبان طردوكم من ديركم بالغصب مهوب بالرضى وثاني شي يوم تقول اهل الجنوب لونكم هازمينا جو وش يبا يلقون اهل الجنوب غار السيوف والشلف الي صخرت عيال عمهم قبلهم ويدرون ان جلوسهم في ديرتهم ازيلهم واطول لعمارهم وغاره يالقحطاني ربعك القحاطين يتحالفون مع المطران والدواسر يعني مهوب لحالهم مهمب ناقصين قلة رياجيل مار كلها تفشل المهم طال الكلام بيني وبينه وقلت الي بيني وبينك الكتب القديمة الي مهمب عتبان ولاقحاطين قال تبيني اصدق الحضران والله مهيب هي يالعتيبي ناخذ تاريخنا وتاريخكم من الحضران حنا وياكم ابخص بتاريخنا من الحضران قلت يامال الشحم انت هالحين جاحد شي كل الناس تعرفه وانت والله انك خابر ان جدانك مطرودين بالغصب مار تحسبنك لاقلتها انفضحت قال الحقيقة ماينزعل منها والحقيقة انا مسيطرين على نجد ولاتقدر تطبه لاعتيبة ولا غيرها مع احترامي للعتبان والقبايل الثانية غير بذن ابن هادي قلت ابن هادي هو الي زبنكم الحصاة علشان تحتمون من سيوف وشلف عتابة ومن هاك الوقت لين توحدت السعودية والقحطاني لاطب ديرته الي اخذوها عتابة قطعو رجله العتبان واخذو الي معه وان قاومهم قطعو راسه قال انشد شيبانكم كم شيوخك الي عندنا قلت وانت انشد شيبانك كم شيوخك الي عندنا هذا من غير الارض الي يموتون الناس وهي ماماتت والكلام والله طويل يبالي صفحات ووقت طويل اكتبه زبدة الكلام قال فيه حل يرضيني ويرضيك قلت وشهو قال ان روح ان وياك لوحد من شيوخكم وننشده ثم نروح لواحد من شيوخنا وننشده وهم الحكم بيني وبينك لان الرجال داري ماحنا بمكبرين السالفة ورايحين ننشد بس وده يموه الموضوع ويخلي ماله حل قلت انا ماعندي مانع بس ليش نروح لشيخين واحد يكفي قال منهو منه قلت انا عادي لويصير قحطاني مشكلة قال ابشر ابي انسق موعد واحد من شيوخ قحطان وبلغك ونروحله قلت لا انا اختصر علاك وهالحين مار يالله اركب قال هالحين قلت ايه قال مزح ولا صدق قلت هذولي الرياجيل يشهدون وان كنت مانيب على كلامي تراك الصادق وانا الي ماعندي سالفة قال توكلنا على الله قلت وانت يالشهراني وياالمالكي نبيكم معنا شاهدين قامو يكنكنون ويبتسمون قالو مالنا دخل تطرد عتيبة من قحطان ولاقحطان تطرد عتيبة انتم الله يسهل علاكم وحنا بنجلس قلت روحتكم معنا مهمه وتر الدعوى اسهل من الي توقعون قالو والله مالنا دخل وهذي امور راحت والمشكله بينكم قلت اخذو سيارتكم واذا ماعجبكم الوضع ارجعو والله يسهل علاكم قالو والله لويصير مايصير في هالموضوع ماحنا مخاوينكم من غير قصور فيكم قلت بكيفكم يالله يالقحطاني وانا منول ابيهم شهود فقط لاغير بس عيو الرياجيل المهم ركب معي في سيارتي قال انت تمزح قلت هالحين تشوف قال ترانا ليل ومن اصبح افلح قلت موضوعنا نبا نخلصه الليلة قال منهو الشيخ الي تعرفه ونروحله قلت يرضيك ابن لبدة قال اي بالله شيوخ وكفو قال هو قريب قلت مايحتاج صكت الرجال لاوالله ان هاك المقهى وانا وقف عنده قلت يالله حول قال وين قلت حول وتعرف قال هذا بيت ابن لبدة قلت لاتستعجل انت حول حول الرجال وجلسنا على واحد من الكمبيوترات والرجال ساكت مايدري وش الطبخة وانا افتح على هالمنتدى وان افتح هالموضوع قلت اقر الي مكتوب قال هالحين قطعت علينا الجلسة مع الشباب واخرتها تبيني اقر في الانترنت نت قلت يابن الناس انت اقر كلام ابن لبدة قال وين قلت شفه والرجال يقعد يقراء والله يارياجيل ان وجهه يوم يقراء انه يلتوي تقول سامعله مصيبة قال ذا كلام انترنت نبي الكلام من فمه قلت هذا مهوب واحد يكتبه يتعطب هذا مقطع من مقابله مع الشيخ محمد بن لبدة وهذي اسم المجلة ورقم العدد ورقم الصفحة والرجال بلسانه قايلهم هالكلام وهم كتبو كلامه ثمرة الموضوع انا عودنا لخويانا وخاطر الرجال مهوب الاول ويوم شافونا قلو ماشاء الله على طياره قلت ايه حنا ذيابة نخلص مواضيعنا بسرعة يومنكم عييتو تروحون معنا ومن يومها ليومكم والله معاد جاب سيرة وليا تكلمنا وجت كلمه حول الديار شتلها بكلمه تبعدنا عن الموضوع هذا الموقف الطريف لهالموضوع بيض الله وجهك علاه يالعكام |
هذا الواقع ومعروف حتى عند القحاطين انفسهم ولا هو منقص من قدرهم ولا نحتاج لشهادة بن لبدة رغم انه جاب الزبدة مثل ما قال احد الاخوان في المنتدى قبل فترة
ويكفيهم هذا البيت واد الرشا ماهوب ورث من قديم الا لمن ساق الجمل ثم احتماه خلوه من بعد القسا بني مضيم راحت شرايدهم بصبحا والحصاه |
يا جماعه انتوا مثل اللي يقولون طقها والحقها
محد ينكر ان قحطان خسرت بعض اراضيها وهذا ما قاله الامير ابن لبده وهو أميري أمير آل سعد من الجحادر قحطان وانا من آل سعد من قحطان يجماعة الخير صبحا مهيب أطيب؟ أراضي نجد والحصاه ماهيب اطيبها ووينها هي في نجد ولا في الحجاز؟؟ وابن لبده قال بعض وهذا شي ما ننكره بس أعذب اراضي نجد اللي تجيها السيول عندنا من ذاك اليوم لا هاليوم ولا بكره انشالله وهذي نبذه بسيطه عن ديار قحطان في نجد 1/الرين 2/الهياثم 3/الجله 4/صبحا 5/الحصاه 6/الحرمليه 7/الرين الاعلى 8/الرين القديم 9/الناصفه 10/المثناه البدايع 11/الخنيقيه 12/قبيبان 13/عنان 14/الخروعيه 15/الحفيره بالحصاه 16/السيح 17/حفاير الوهومي 18/والوسيطاء الوهومي 19/حفيره حنيان 20/ديره ابن نائفه 21/ام مرخ حقه رقعان 22/حفيره صماخ 23/الرجع 24/العفج 25/الرفايع 26/الهفوف 27/جو 28/السيباني 29/الفويلق 30/تبراك 31/حفيره نساح 32/حويرة نساح 33/الجفير 34/البخرا 35/النظيم 36/المسبر 37/اللغفيه 38/الصدر الاعلى 39/الفريده 40/الصدر الاسفل 41/العمق 42/الحجاجي 43/الفواره 44/العماجيه 45/الفويسه 46/السدريه 47/الحاوي 48/عشيره 49/الرقميه 50/الجدعا 51/الربواء 52/حلقه ال جلبان 53/حلقه الفراط 54/ام جدير 55/لجعه 56/المعتلا 57/العزيزيه 58/الرزيوه 59/سر ال كعده 60/دراويش 61/الصاخن 62/ام الشبرم 63/المستجده 64/العمار 65/جاحد 66/السديري الاعلى 67/المديفع 68/الوجيه 69/الفرعه 70/الحلوه 71/عبليه 72/فيضه ابن سعيدان 73/الشظو 74/حريملا 75/لجع 76/عيينان 77/ام نخله 78/المجذميه 79/ذلقان 80/الخشبي 81/برودان 82/البدريه 83/شلاح 84/مغيدر 85/السرداح 86/مسواق 87/الباعجه 88/قران 89/متعبه 90/الرفائع 91/الحاوي 92/ذيعفان 93/اللكه 94/ام مريخ 95/ام طلحه 96/دار السلام 97/حميميان 98/الحاوي _ حميميان 99/السره 100/هداجه 101/ام عليبه 102/ام سلم _ جنوب صماخ 103/الخلايق 104/عفريه 105/الانجل 106/المداره 107/الخيس 108/ابو مره 109/دسمان 110/الهلاليه 111/ام نويعير 112/القصوريه 113/السديري الجمح 114/هجره المشاعله 115/جله العشار ( هجره سلطان بن خليل ) 116/الصيهد 117/قنيفذه 118/هجره ابن نومه 119/النابيه 120/الكلا 121/العريديه 122/الدويره 123/الخالديه بالقصوريه 124/خبيب الريم 125/المناخ 126/الوسيطى 127/الوجاه 128/وادي جمل 129/حصاه ابن حويل 130/الجديده 131/القراره 132/حصاه ال عليان 133/القدراويه 134/ثيران 135/الانجل 136/الزباير 137/المليحات 138/الجافوره 139/وادي خيم 140/مراغان 141/الشرميه 142/عقربه 143/خنيفساء 144/ضاحيه لبن والسلام عليكم ورحمة الله وبركاته |
طقها والحقها شفه في منتديات ربعك
تعرف عالية نجد وقرارة نجد ياخالد يعني بالعربي نجد اللي عليه العلم هجرك هذي في جنوب نجد والسيول علمها عندالله والله يرزق بها المسلمين ابك والله لو نعدلك هجر الدلابحه اللي فالجمش ان عيونك لتنفخ من القراية تحياتي ابو خلود |
اللي قاله ابن لبدة يوم اخذت عتيبة اراضي قحطان بالسيف الحدب ماتبالها نشدت شيخ معروفه عند القاصي والداني
وكلام ابن لبدة عادي ماجاب شي جديد |
مشكوور اخووي ومشكوووووووووووورين على الافاده
|
اقتباس:
نرعى الحمل بمذلق العيـدان *** ديرة عشق وهديف ابن عبود والشيخ ينزل منزله عجـلان *** وشيخ الفهر عن ديرته مطرود |
ذكرت 144 هجرة لقحطان قلت بأنها في نجد ؟!!!!
ويجب ان تعرف أولا ما هي حدود نجد ؟؟ ومفهومها في فترة الصراع القبلي ؟ ويجب ان تفرق بين الهجر التي أنشأت حديثاً والهجر القديمة والأحياء وبغربلة ما ذكرته قد يكون الناتج صفر أي لا يوجد أية هجرة !!!!! والأمثلة كثرة منها الرين أين تقع ؟ ولماذا فصلت في الرين قلت السفلى والعليا !! وكم المسافة بينهما ؟؟؟ الهياثم ابن تقع ؟ أليست على طريق الرياض الخرج !!!!!!! الجله ؟!! جله الشعار !! بيت واحد في مدينة الجله !!!! جو السيباني ؟ متى نشأت ونزلها ابن شري تبراك ؟ لمن تبراك ومن سكانها ؟ اللي اعرفه ان فيها حتى من شمر حفيرة نساح و حويرة نساح ؟ ما باقي الا تذكر الأحياء التي يسكنها قحاطين الصدر الأعلى ؟ الصدر الأسفل ؟ ودي توضح كم المسافة بينهم !!!!!! قنيفذه ؟ هل هي هجره ؟؟ أو تقصد نفود قنيفذه !!!!!!!! خبيب الريم ؟ اللي اعرفه انه ملك للأمير سلطان بن محمد حصاة بن حويل ؟ هذي بعد في نجد !!!!!!! ضاحية لبن ؟؟ وينهي فيه هذي ؟؟ اللي اعرفه أنها احد أحياء العاصمة الحديثة !!!!!!!! والكثير الكثير مما ذكرت ................................ وبعدين ابن هادي حدد نجد في قصيدة لشافي بن شبعان وتجدها في كتاب شعراء قحطان يا من يخبر شافي نجد ممطور****** وادي الرشا ما يا خد إلا ملاله يعني ابن هادي يقول ان نجد وادي الرشا .... والآن وادي الرشا لعتيبة بلا منازع |
| الساعة الآن »10:37 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd