ونتي ونة خلوج ولدها ما جدل *****تشرف المرقاب للذود وتعود وراه
 

هذه بعض قصائد الشاعرة المشهورة بخوت من قبيلة آل مره
فتقول هذة الشاعرة في الابيات التالية انها تبغي رجال بدوي ولاتبي تتزوج سواق الشيوخ
ولامدير مكتب , بل تريد ذالك البدوي الي يهتم بتربية الابل تقول:
حن قلبي حن ماك على سمر العجل****عشق السواق والدرب ممسوك وراه
ان عطا مع طلعة عشقوا له بالدبل*****وان تسهل ريحه لين ياصل منتهاه
ما بشفي لا دريول ولا ريس عمل*****شفي اللي كل ماشاف براق رعاه
قاطنين فوق عد على جاله عبل******طيب للبل وراعيه ما يقطع ظماه
ونتي ونة خلوج ولدها ما جدل *****تشرف المرقاب للذود وتعود وراه
وتصف حنينها للبادية بقولها:
ياحن قلبي حن ماك مع الطلعات****لاعشقة بالعايدي والدبل جره
جرمه ثقيل وحملوا فوقه البيبات****ويدعس عليه ابنزينه ولا سره
انا دمع عيني بالدقايق وبالساعات****ولاهي على فرقا المحبين مستره
هواجيس قلبي كل ماقلت راحت جات****تعود علي باليوم خمسة عشر مره
ثم قالت ابيات يوم بغا بعض جماعتها يشدون من البر للمدينة لاجل يحضرون العيد في المدن:
ياجماعةوان عزمتو على أنكم راحلين****غمغموني عن مظاهيركم لا أشوفها
كن في قلبي سنا نار قوم راحلين*****طرفوها بالخلا والهبوب تلوفها
ول عود لاش رحمة ولا قلب يلين*****عل ذودك في نحر قوم وانت تشوفها
عيدوا بي بالخلا,, والفريق معيدين****كل عذرا زينت بالخضاب كفوفها
مايقرب دارهم كود صنع الذاهبين****كود حمرا عزمها من صفاه بلوفها
كن حنين الويل يشبه لخلفات القطين***لينوله بالقدم مع طمان اجروفها
ولها قصائد رائعة في وصف الطيارة لكن للاسف ماحفظ الا الي ذكرت لكم
وسلامتكم

تسلم طير شلوى على هذه الأبيات المختارة والراااااااااااااااااائعة

ذكرتني بقصيدة الكلابية اظنها ميسون امرأة معاوية بن أبي سفيان التي تذم فيها حياة القصور والحضارة ...وتتمنى العودة الى البادية .

شكرا لك ......... الخشي

احسنت طير شلوى على هالاختيار الجميل
وهي شاعرة كما قلت مشهورة ومعروفة
شعرها جزل وسلس وجميل
بارك الله فيك اخي

مشكور اخوي طير شلوى , وايظن لها هذة القصيدة الرائعة , تقول فيها:

عيدوبي فــي الخلا والفريق معيدين
.............وكــــل عذراً نقشت بالخظاب اكفوفها
كن فـــي قلبي سنا ضو بدواً نازلين
.............ولعوهــــــــا بالخلا والهبوب التلوفها
ولا عوداً لاش رحمة ولا قلباً يلين
...........جعل ذودك في نحا القوم وانت تشوفها
ياجمـــــاعة ونويتو عليها راحلين
..........غمغموني عــــــن مضاهيركم لاشوفها


وتقبلو تحياتي:
ابن مشيب...........الشيباني العتيبي.

بارك الله فيك يا طير شلوى

ولبخوت ايضا:

حن قلبي حن خلج[ن]مع الكنه ذهيب
دوجت ثم بركت في مراغة عدها
دوجت ثم بركت ثم دكت للقليب
ونطحها من لا عرف وسمها ثم ردها
ودمع عيني فوق خدي هماليل وصبيب
احسبنه غشمره واثر عيني جدها
المحبه وان صطت ما يداويها طبيب
عرفتك يل صاحبي ليت ربي لدها

بارك الله فيك يا طير شلوى

ولبخوت ايضا:

حن قلبي حن خلج[ن]مع الكنه ذهيب
====دوجت ثم بركت في مراغة عدها
دوجت ثم بركت ثم دكت للقليب
=====ونطحها من لا عرف وسمها ثم ردها
ودمع عيني فوق خدي هماليل وصبيب
====احسبنه غشمره واثر عيني جدها
المحبه وان صطت ما يداويها طبيب
=====عرفتك يل صاحبي ليت ربي لدها

الاخ طير شلوى
قصيدة جيدة ورائعة نأمل المزيد
شكرا لك وللجميع

اررررررررررررررررررررحب يالخشي ومن قال يسلم
ومشكوووووووووووور على المشاركة يالغالي

حياك الله خوي عبدالاله
ومشكووووووووووووور على المشاركة يالسنافي

يالله تحيي ابن مشيب وتحيي علومة الغانمة
وبيض الله وجهك يالنشمي على المشاركة الجميلة
وتراني ذكرت الابيات الي ذكرتها انت يمكنك ماانتبهت

بيض الله وجهك يابن جدعان
الله يعطيك العافية على القصيدة الرائعة
ومشكووووووووووووووووور يالاجودي

حياك الله يالمطيري
ومشكووووووووووور على المشاركة الجميلة
وخذ هذي ثلاث ابيات رائعة لها:
وجودي على بيت الشعر عقب بيت الطين***وجودي على شوف المغاتير منثره
وجودي على خوة هل الموتر المقفين***وجودي على شوف السهل من ورا الحره
الى حلو البدوان وصاروا على بيتين****ومن كان له خل معا ذاك ماغره

الاخ طير شلوى
بيض الله وجهك وقد سجلت ابياتك الاخيرة فى مفكرتى الخاصة0
لك منى ومن عشاق المنتدى الف شكر0

بيض الله وجهك وسلمت على النقل00

وصح السانك والسانها00