ياحمام ٍ فوق غصن الراك ناحي = هاض بالي يوم سمعني الحونه
ياحمام الورق جعلك بالصباحي = ما ندفعت بعيد للضلع وركونه
لاتجنني وانا مانيب صاحي= خل قلبي كود يدله من احزونه
لاسمعت اغناك دمع العين فاحي = كن قلبي فوق جمر ٍٍ يصهرونه
راح قلبي راح مثل اعظيم ضاحي = يحذفونه بالدجاويدورونه
كل عين ٍ نايمه وانا مراحي = فوق كوعي الى الفجر يذنونه
كل ما اذكر بكرة ٍ وضحى شناحي =بينه مثل القمر واللون لونه
تستحق التاج مع لبس الوشاحي = ياوليف ٍ ماتلد النفس دونه
يادقاق العنق ياظبي البراحي = من بلي في حبكم ماترحمونه
لاتلوم القلب باح السد باحي = مار يالمجمول حاول تقنعونه
لاتصير بخيل من ضمن الشحاحي = ابك انا قنعان باللي تقدرونه