يابو نجر النفاعي مرحبابك قوم ليلك غير = تغني فالقمر ما السحاب ايجيك من دونه
اضنك فالملاقا لو يشوفك ماتشوف الخير = تضيع اعلومكم عنده ولا تقدر تضدونه

يدوم الك البقا ياللي ترحب في هل التكبير=وانا ماني بقابل كل علم(ن)باين(ن)شونه
تهرج يالعصيمي كب عنك الهرج والتزوير=انا راع المواقيف الشديده ماني ابلونه

المشاركة الأصلية كتبت بواسطة أبو نجر النفيعي الله ... الله يدوم الك البقا ياللي ترحب في هل التكبير=وانا ماني بقابل كل علم(ن)باين(ن)شونه تهرج يالعصيمي كب عنك الهرج والتزوير=انا راع المواقيف الشديده ماني ابلونه

ولا يالي كتبت الشعر قدمك ريس التحرير = يشوف المفردات وكل علم (ن) باح مكنونه
ولا ياطير ياطير السعد (حتى ايش) لو اتطير = نعرف الصقر يارجال والي مكبر اعيونه

ولا يالحاشي الطيّب ترا قدمك فحل وبعير=توقّع قبل لا يحرف على خشمك دركسونه
ترا هرج الردى عنا بعيد ولا يبا تفكير=من اللي يالعصيمي قام ينظر في تلفزونه

ولا ياوعل يالي تنطح ابقرنك جبال النير = دركسون وجمل هاذي جديده لا تغنونه
اضنك يالنفيعي فيك عرق(ن) من هل التكفير = تصدر فالفتاوي ثم تجحد مايقولونه

ترا من جاب سالفته يبا يرجع بلا تقصير=وناس(ن)ماتجيب الا الكذب بلعون ملعونه
انا جالس عيال الخير وانته من نفيخ الكير=ولا ياللي تذم الرجل وتغني عل الحونه

تزوزي بالحموله والحموله حطها الك الزير = عسا ينفعك صيدك لو يجي في وسط ماعونه
عسى تقطع يدين الي يقطع في ضهور الغير = وهاذي لك نصيحه من رجال الطيب يجنونه