مرحبا مرحبا بك عندنا يا ذياب=في محل الرجال امكبره شونها
ياذياب العصيمي عقب طول الغياب=ويش لون العرب ياذيب وش لونها

البقا يالمرحب في ثنايا الكتاب=عقب ماغنت الورقا على أغصونها
العرب يالنفاعي مثل بيض الثياب=آه ياوجد روحي ضحكت أسنونها

جاك مني سوال(ن)طالبك بالجواب=العرب ياصحيبي لوّت اعيونها
طالبك ياذياب اتجيب هرج الصواب=وصّف اللي حصل لك في تلفزونها

جاك رد السوالف مار شكلك تهاب=يوم جتك البضاعه وسط ما عونها
أنت تنشد وترجي من وراها ثواب=دونها صاحي الحاره و مجنونها

لا نهاب المنايا يا عزيز الجناب=مار به ناس يا رجال يطرونها
لو يجي دونها سته وعشرين باب=حالف اني لكسّر كل من دونها

ما تهاب المنايا مار هاب العياب=العرب لا تضن و تخلف اضنونها
ويش رايك لو أكشف هرجتك للشباب=وأكشف السالفه ويبين مضمونها

الرجل ما يعيبه لا طعام وشراب=دل دربك وانا رجال ما خونها
كذبتك واضحه بين الثرا والسحاب=وانت راع السوالف وانت مجنونها

انت خايف تحصل صوط نار وعذاب=وانته اول عتيبي ياصف اردونها
هب ياذا النفاعي ما سرع الانقلاب=عقب مانت أمتلوي في درقسونها

يالعصيمي تراها واضحه بالعراب=مار بعض السوالف بين(ن)بونها
هب ياذا العصيمي جعلكم للخراب=السوالف على ربعك تطشونها

المشاركة الأصلية كتبت بواسطة أبو نجر النفيعي طيب ..... طيب هب ياذا العصيمي جعلكم للخراب=السوالف على ربعك تطشونها ههههههههههههه

لو يجي دونها سته وعشرين باب = حالف اني لكسّر كل من دونهـا

المشاركة الأصلية كتبت بواسطة الـشـقـاوي |32| لو يجي دونها سته وعشرين باب = حالف اني لكسّر كل من دونهـا الله الله كفو يابو نجر :) تاصل الحروه تحياتي لكل هذا الابداع مودتي

المشاركة الأصلية كتبت بواسطة ذياب حياك يالشقاوي وانت في ديره والمعنا في ديره ذياب