اقرب شاعر .. اقرب شاعر ..
 

مسيتواا بالخيرر..

ياعتيبه محزمي لاجات فالدعوى دعاوي .. للصديق الدرع والا للعدا سم وبلاوي .. ودي بشاعر يوقف يابعيدين الهقااوي .. وان بغيت الصدق مايبني البيوت الا عمدهاا.



قبل اخذ الكلام وقبل رد الكلام
باسم ربي بدينا والاوادم تشووف
قبلها ياجماعه نبتدي بالسلام
لاهل المنتدى من ربع والا ضيووف

مسيت بالخير يافيصل..

وصح لسانك ..

والروعة هو مرورك ..


تصدق اني اكتشفت شي جديد

انك اذا تبي رد لازم تنادي الشاعر باسمه مااحد يتطوع الا نادر ؟؟

مسااا النور

مرحبا في مرحبا ياشاعر يمشي ركادي.....
مرحبا ترحيبة فيها من الازهار كادي.....
جيت ابا لاعبك ياذيبان بالعلم الوكادي....
وان بغيت الصدق مايبني البيوت الا عمدها

كن الاحساس يزهمني يقول الهمـــام ......... والرسايل تراها في بطون الـــزروف
جيت ابا اهرج ولكن في حدود النظام ......... لا زريق الرماح ولا ضروب السيوف

مرحبابك استلم لاهنت..

البقا بك يالعصيمي يابعيد عن العيوبي
وش صاير بينك وبين اهل الدار الجنوبي
والمشاكل كلها من عالمآ عيت تتوبي
وان بغيت الصدق مايبني البيوت الا عمدها

خابرك دايمآ ياصاحبي للأمـــــــام ... مايردك عن الشعار شيئآ وخوف
اكرب حزامك وان معك باكرب حزام .... والجماهير معنا والاوادم وقووف

الابداع مرورك والله يقويك..


وسوا في صفي والا في صف خالد كلنا واحد

صخ بدنك..

اخوي شيباني مرورك شرف وتاج على الرأس..

والصف عامر دامك فيه..


وزع الماء على الصف ياصبي..

ما عــلاكــم زود والعــالم ترا مافيه خــلــه.....
كب عنك اللي يريبك والطريق الصعب خله.....
كل شاعر ماتغزل في جميل(ن) ليس خلــه.....
وان بغيت الصدق مايبني البيوت الا عمدها

قـوم قـــود الجمل ياصاحبي بالخطام ......... وشسمنا لا يغطيها ضلام الكسوف
روح للسوق واشتر ياصحيبي حرام ......... ودنا ناصـــل البيت الحرام ونطوف

تحيه خاااااااصة لمرزوق العتيبي
ومشكور على المرور ياغالي

تحية اخرى لـ(شيباني ...)
ومشكور على المرور

استلم يالذيب..


الزمـــــــن مافيه خله الخلل قلب الاوادم..
وان نشدتك لاجل يربطني معك يصاحبي دم..
احمدالله يوم جيت لنا سليم من التصـــــادم..
وان بغيت الصدق مايبني البيوت الا عمدها

ان مشينا مسكنا امورها بالزمام...مانطاوع ظروف نطوع لنا الظروف
دام تمشي تمام بنمشي معك تمام...ماعلينا من الي مقبلآ بالصدووف

صح لسانك واستلم
يابن ثابت

المريض اعالجه بسيوف مرهف حـــدها....
والدي زد قال شف درب الخصوم وحدها....
مار شعــار العـــروبه للغلط وش حــدها....
وان بغيت الصدق مايبني البيوت الا عمدها


لا لقيت البضـــــاعه دور اللي يسام ..... الجـــــزيلـــه لها دلال دوم معـــروف
ان مشيت الطريق العسر حذرا تنام ..... الدروب المقاطع في مصاديف خوف

استلم استلم..

يابن عاصم بأنشدك وش صاير في وسط قـــانـــا..
يالــله انا زابنينك يالـــله الواحــــد تقانـــــا..
وانك تعاون جميع اخواننا وايا اصدقانـــأ..
وان بغيت الصدق مايبني البيوت الا عمدها..

لابغينا طلعنا ياولد للغمام....مير حاذر وركز لاتعيد الحـــــــــــــــروف
العرب قامت تذبح يارفيع المقام..والاوادم تسمع لك ياجورج وسوف



بالنسبه للاسم الاخير ماادري هو صحيح والا الا
والكاد انه المطرب الي يغني وبس

يابن ثابت ما حصل ياصاحبي حاجه بسيطيه
والجبال الشامخات اوتاد في ساح البسيطيه
والضعيف ما تقــوى فاليمــن والا البسيطه
وان بغيت الصدق مايبني البيوت الا عمدها..


الولـــد كل مايكبـــر عليــه التــزام ............ لايجي فالوغاه ويلتوي بالســــدوف
كان جتك الهبايب من ديار الشوام ............ اقرب اقرب والفك بالعباه ام صوف

اخوي خالد العصيمي..


بيض الله وجهك على الطاروق وصح لساانك..


ولي الشرف باللعب معك..

تحيااااتي