سلام الله سلام(ن) محتسيه ال ربعي الغالين = وانا عندي قضيه والعلوم اجلال واطواله
وادور شاعر(ن) فاهم واله فطنه واله عينين = مادور شاعر(ن) وقت الملاقا تقصر احباله

هلا يامرحبا من وافي(ن)رحب عن الوافين=تعلم في قضايا مالها فالناس حلاله
لكن اطلب ولي العرش عزك فالقسئ واللين=يبدلها على المسلم لعل الجو يصفاله

يدوملك البقا وانته تكفينا عن الباقين = وشد العزم يارجال وقدح نارها الاله
انا والله غبني شي واحد ماهوب شيين = يزيد المعتدي والناس رقاصه ومياله

مناويك الكبيره يالشقاوي ماقضت لك دين=تناقشني بعلم (ن)من زمن ماخوذ معداله
وانا اظن البطانه طيبه ياجعل فالك زين=لكن الشر في هاك الجمل يذكر وجماله

انا ماقول مثل اللي يقول الجاهل المسكين = نبا نسجب ونستنكر ..! عسى الله يحسن الحاله
اضن اصويحبي لاجا الملاقا راح صوب الصين = وخلا المعتدي يضربها ويجر مواله

اجل رح حارب الكفار لاتدفع عذر ((بعدين))=اظنك فارس ماينشرب فالحرب فنجاله
ليا حان الملاقا مانقفي للقاء باقين=مادام اني من عتيبه هل الوقفات والطاله

ترانا يافطين البال مانضوي مع (الضاوين) = تبانا من هل الارهاب فال الله ولا فاله
اجل خلك علاها واضربه بالسيف ابو حدين = عسا ماتبرد اعضامك ليامن جيت في جاله