الطـــارف ســديــد..
 

مجرد دردشه..



يامساء الخير يارجال اللزوم..
قلتها من ضميري والوريد..
التحية على الحاضر عموم..
قلتها دامني معكم جديد..

صح لسانك ملك تحساس بس ماتلاحظ ان عجز البيت الثاني فيه ثقل يعني لو خليتها


قلتها لك دامني معكم جديد

او

قلتها لكم دامني معكم جديد

كان تصير تمام ولا شرايك مجرد وجهة نظر وابداء رأي قابل لصواب وللخطا

عذرا اخوي رجم النوايف


البيتين موزونه 100%


والشطر الذي اتيت به يختلف عن لحن البيتين

مودتي

.

الاخ خلف مرزوق انا ابديت وجهة نظر فقط وذكرت انها قابله للصواب وللخطا
قد اكون مخطي وقد اكون مصيب اذا كانت البيوت موزونه فكل الاعتذار لملك الاحساس

وجهة نظر فقط وتحياتي للجميع

صح لسانك ياصامل الغنامي بس انا يوم رديت على ملك احساس ماشفت بيوتك
عموما صح لسانكم وواصلوا

ابو مرزوق .. رجم .. ذيباان

مشكوورين على مروركم

اخوي رجم يمكن انك ماعرفت اللحن بالضبط على العموم كلنا نخطي ومرحباابك


اماا انت يااخوي الصااامل فامرحبا بك ترحيب خاص
وصح لسانك ياكفوو
والمعذره على التأخير

استلم لا هنت..

مسلم لربي اصلي واصووم..
واحتمي ان طق حيد براس حيد..
شخص ماهو بشاري لايسوم..
لايجي السوق غير الي عنيد..

صح لسااانك ياكابتن..

واسلتم يادكتور..


الجدي واضحآ بين النجوم
واضحآ حتى للشخص البليد
وانته اصبر عسى عمرك يدوم
واحمدالله رصيدي في مزيد

استلم ياكنق..

طاح حظك ياجعله مايقووم..
تجحد القوم لو ماانت بجحيد..
يالعطاوي لاجاء وقت اللزوم..
تعرف ثبيت فاليوم الشديد..


وصح لسااانك ياصامل وبيض الله وجهك ولي الشررف باللعب معك ويعلم الله اني استمتعت بلعبي معك
واعتبرها بالنسبه لي حصه عند استااذ محاوره
تقبل تحياااااتي

والخااااتمه عندك يابرفسور

اخوي خلف بن مرزووق

الابداع هو مرورك
ولنا الشرف

تحياتي وتقديري واحترامي لمقامك المهيب وتصبح على خير

ووجهك ياالذيب

ومايحتاج معاذير

الأخوان // خلف مرزوق 00 رجم النوايف00 ذيبان

صحت ابدانكم والله لايهينكم شرفتونا بمروركم

تحياتي وتقديري للكل