|
من قصائد ياسر التويجري الفخ
مابيك يابنت الحلال اتركيني 000000 دربك وعر ورمال مكحول في فخ
انافقير وراس مالي حنيني 0000000000 وانتي متونك باللذيذات تنزخ تبين لندن ماتحبين كيني 000000 وسواق خاص ولبس فاخر من الجخ واليا اهتويتي قلتي يالله تجيني 000000 اسرع ترى شوقي على النر يطبخ ياهيه اصحي واعقلي واعرفيني 0000000 اموت عز ولااتذلل والبخ يلعن ابوك وجد جدك مهيني 0000000 واناعزيز وكل ربعي مطنخ من لابة يسوون عندي سنيني 0000000 لضيوفهم حيل جزالي تنوخ والحب ماهو لك لو تزعليني 0000000 وحزوم نجد لراس مثلك تكمخ الحب يبقى في حشايا دفيني 000000 اللي على وكره اليا جيت يكفخ ابو عيون كنها جمرتيني 0000000 واركو عليها كل الاوقات بالنفخ اشتاقله لوهو موكر يميني 0000000 واصبر عليه شهور مرسوم بالمخ ومع السلامه لا تقولين ويني 0000000 روحي عساك بوسط نار تبوخ عساه لامنه حيا الشوق فيني 00000000 وسالت قالو ماتت العام يا اخ وسلا متكم وعساها تحوز على رضاكم |
منهو ياسر التويجري ؟؟؟؟
ونشكرك على النقل وتقبل تحياتي |
اهلا اخو مدين وشكرا على اطرائك
اما بالنسبه لياسر فهو شاعر معروف من اهل القصيم ويقال ان اسمه لطام العنزي |
تسلم يمينك على النقله الموفقه
صح لسانك ولسان الشاعر / ياسر التويجري وبالنسبه للشاعر : اسمه الحقيقي: ياسر التويجري وليس كما ذكرت لطام العنزي وعائلة التويجري عائله عريقه في القصيم ويعود نسبه لبني وايل ((عنزي)) تحياتي |
اخوي نجد العصيمي
اولا اشكرك على المرور والشاده ثانيا اشكرك على التعديل لاسم الشاعر وانا ذكرت انه يقال اسمه لطام العنزي وقد قال هذا الاسم زميله الشاعر تركي المشيقح في لقاء معه في قناة الواحه وبالتحديد مع المذيع الاماراتي البريدي وانا مجبت شي من عندي وتقبلو ا خالص تحياتي |
تسلم يمينك على النقله الموفقه
صح لسانك ولسان الشاعر / ياسر التويجري تحياااااااااااااتي |
اخوي الفراهيدي اشكرك على هذا الاطراء وشكرا لك
|
أخوي لطام تسلم على النقل
ولاهنت تحياتي... |
المعذره اخوي الغبيوي على تاخر الرد الاني كنت منقطع عن الهيلا لفتره واشكرك على المرور وترى ماسوينا لا يعتبر شي في حقكم علينا وتقبل تحياتي
|
يعطيك العافيه
لاهنت يالغالي تحيااااااااااااااااااااااااااااااااتي |
اخوي ابن نعيس الله يعافيك ويسلمك وتحياتي
|
لاهنت بالغالي
وبيض الله وجهك تحياتي |
اخوي نواف الله لايهينك
وتحياتي |
|
مشكوووووووووور
لطام الصوينع واسمح لي اني أنتقد هذه القصيده التي لا ترقى الى الابداع قصيده عاديه من شاعر أعرف له قصائد لاباس بها وأسمه ياسر التويجري من العقيلات يرجع نسبهم لوائل حسب إدعائهم وكانوا الى قبل ظهور البترول تجارا من نجد الى الشام ومصر والعراق في قوافل الابل التجاريه ----------------------------------------------- |
اخوي ناصر الدغيلبي الله يعافيك وابشر بالجديد قريبا
اوخيي عمر الروقي وجهة نضرك اعتز ابها واقدرها ولا كن من انت لتقيم القصيد وتنتقد ارجو الرد وتقبلو تحياتي |
اوخيي
لطام الصوينع ياسر التويجري مهو ملاك ن منزل شاعر يخطي ويصيب ومنتقدينه غير شعار واجد --------------- لاحظ معي يلعن ابوك وجد جدك مهيني ؟؟؟؟؟؟؟؟ 0000000 واناعزيز وكل ربعي مطنخ ---- اللعن محرم ولم يكن داعي لــ اللعن كان يستطيع ان يستبدلها بكلمة سب !! أقل حده من اللتي ذكرها ------------------------------------------------------------ من لابة يسوون عندي سنيني 0000000 لضيوفهم حيل جزالي تنوخ يسوون عندي سنيني ؟؟؟؟ كيف يسوون عنده سنين واي من السنين سنين الرخا والا الشده والا عمره ؟ ----------------------------------------------------------- والحب ماهو لك لو تزعليني 0000000 وحزوم نجد لراس مثلك تكمخ بيت مدري كيف جاي (حزوم نجد )لراس مثلك تكمخ ؟ ----------------------------------------------------------- ومع السلامه لا تقولين ويني 0000000 روحي عساك بوسط نار تبوخ عجيب يدعي له بالسلامه وبالنار معا ؟ !!!!!! تبوخ : لم اجد لها رديف في اللغه العربيه العاميه والفصحى ولا العبريه حتى ؟؟؟؟؟؟؟ ------- انتهى |
اخي عمر الروقي انتقادك للقصيده ليس صحيح من عدة جوانب
اولا 0بالنسبه للعن فكم من شاعر لعن وسب واتى بالفاظ يشيب منها الراس وستحي المرء لذكرها ثانيا 0 بالنسبه للفظة سنين فهي ضروره شعريه للقافيه ثالثا0 مافي الشعر بيت مدري وش قايل وهذه تؤخذ عليك كشاعر ورابعا 0 الدعاء بالمتناقضات كثير في الشعر واما تبوخ فاطلب منك الاستماع لصوت النار جيدا خامسا 0 لولا ان القصيده جيده لما وصل عدد القراء اهذا العدد سادسا ياسر شاعر بكل معنى الكلمه والا لماوصل للجمهور وكان له هذا الكم من الجمهور العريض في كافة دول الخليج بل وعلى المستوى العربي واستشهد بحفلة القاهره سابعا 0 ابن العم لاينبغي ان ندخل العاطفه او الحميا في تقيمنا للقصيد وتقبل تحياتي |
... .. اضم صوتي للشاعر عمر الروقي ياسر التويجري كل ماوصلني عنه ثلاث قصائد لاتسمى شعر والاكيد انه صناعة اعلاااااااااامية ولي عودة اخوي للتفصيل .. |
...
ا تقيـس الــدار هــاذي مــع ربــوع فيـنـا ولا تـقـارن هالشـبـاب بـواحـد لبـنـانـي يرفض المقارنه بين وطن وفينا ويرفض المقارنة بين شبابنا وشباب لبنان ليت رفضها لاننها الافضل بل يقول : أبـــك ذولا مـجـرمـيـن وعــالــم مـنـجـنـه عشقهم لحـم الجمـال وطبخـة الضبانـي نحن عالم منجنه ارض الدعرة فينا افضل من ارض الحرمين وشعب المطربين والراقصات والاخلاعة افضل من احفاد الصحابة !!!!!!!!!!!!!!!!!!!!!!!!!!!!!!!!!!! الهـلالـي مـثـل شكـلـي لــو يـجـن ينخـنـه فـي عـطـال القـيـر والا قفـلـة البيبـانـي فــي طـريـق مظـلـم مــا للمـوبـايـل رنـــه مقطعـه مـا فيـه حولـه مرمـرة سكـانـي وش يسوي يا جماعه ؟!.. الله اعلـم انـه يفتح المصحف ويقرا سورة الرحمانـي! استهزاء واااااااااضح والاخرى يقول: عطني زقارة كنت والا ديفيدوف ابشرب الدخان وأنا مطوع واحذف على كاسيت لجورج واسوف والا ان حصل عطني شريط منوع وش فهمتو؟؟؟؟ واخيرا اسمعوا واعطوني عنوان للقصيدة فقط:) الله يخلي للشعر اهله مووووووووودتي . |
السلام عليكم ورحمة الله وبركاته.
أخي / لطام الصوينع صح لسانك ولسان شاعرها . لك مني كل الحب والتقدير . والســـــــلام ،،، تقبــــــــــلوا تحيـــــــات / روقي الجمش . |
قصيده رائعه
|
خـلف مرزوق
اي والله صدقت في كل حرف قلته ياسر اعتقد والله اعلم انه مريض نفسي والدليل قصيدته الاخيره في حفلة مصر قصيده شوارع ماتدري وش موضوعه بالضبط يبي ياصل لشي بس ماهو داري كيف ---------------------- الله يعينه على نفسه انا اتوقع انه ماراح يستمر --- مجرد رأي |
اخوي لطام الصوينع
قصيدة رائعه تستحق القراءة لاهنت والله يعطيك العافية |
هذا
رد بــــــــن حــــوقــــان على ياسر -------------------------------------------------------------------------------------- |
ياسر التويجري فيلسوف شحاده وليس شاعر والي يقول شاعر مايعرق في اشعر شي وشاعر القا فقط لاغير
|
السلام عليكم ورحمة الله وبركاته
تعقيبا على الموضوع ياسر التويجري هو من القصيم وعائلة التويجري هم حــــضر يوجد منهم 1- بالقصيم 2- بالمجمعه 3- بسدير ينسبون انفسهم الى قبيلة بني وائل من عنزه الان في القصيم تبحث العوائل عن انسابها ففيهم من يقول انه ينتسب الى شمر وفيهم من يقول انه ينتسب الى تميم وفيهم من يقول انه ينتسب الى بني وئل وفي الحقيقه لو تسئلهم عن امير قبيلتهم او الى اي فخذ ينتسبون والى اي خامس تجدهم لايعرفون هذا الشي ونا لا اريد اتعمق بالموضوع اكثر من هذا تحياتي |
هههههههههههههااي
صح لسانك00ياعمر تحياتي لكم فتى الدويله |
السلام عليكم ورحمة الله وبركاته .......
اخواني هذه القصيده بها الكثير من الاخطاء والكثير من المتناقضات وبها من الشتم واللعن مايقزز المستمع فهذا الشاعر يضن ان شتمه يرفع قدره عند الجمهور وجميع قصائده لاترقى لمجرد الاستماع اما بالأمسيات فاانه يتمايل ويوزع ابتسامات ويقمر على عيون الجمهور واخيرا ً يفرح فيه المبزره والنسوان لأن النوعين هذي لايعرفون عن الشعر الا اسمه ....... وقصائده لاتخلوا من الكسور الواضحه وفيها نوع من الفخر الزائد فلايكاد يذكر قصيده يمدح عنزه الا ويردف مطير كانه ماصدق خبر ان خواله مطير ويبا يشرح للناس اني ترى عنزي وخوالي مطير وهذا امر مستهجن من الشاعر فهذا تركي 2000 خواله من عتيبه ولاعمره قال انا خوالي عتيبه بقصائده ... اما من ناحية اصله فخذوا العلم مني وتأكدوا انه صحيح ياسر لااسمه لطام العنزي ولايحزنون هو اسمه ياسر التويجري ومن حضر بريده وكانوا اجداده مع العقيلات مثل ماذكر الاخ عمر الروقي بالحرف الواحد ويدعون انهم من عنزه والله اعلم وفيه كثير عندنا بالقصيم من نوعية ياسر يقول انا من عنزه او من عتيبه او شمر او حرب وآخر شي يسب البدو ويقف ضدهم بالدوائر الحكوميه ولاجا وقت الفخر قام يقول انا بدوي وانا من القبيله الفلانيه وهذي الظاهره بدات تظهر في القصيم بالفتره الاخيره ومن قبل مايبون للقبايل طاري واذا واحد مكتوب اسمه ويرجع لقبيله كحرب او مطير اوعتيبه بالقصيم يبتعدون عنه ولايقفون معه ... ومن ناحية القصيده هذي وغيرها فااعتقد ان الاخ الكريم الشاعر عمر الروقي ماقصر واشهد انه استاذ نقد وكلامه كنت اقوله دايم لكن اخوانا الحضر ينكرونه ومعذورين ماعمره طلع شاعر من الحضر وجت له هذه الهاله الاعلاميه ... وكثير من قصائد التويجري فيها سقطات ولاتستحق ان تقال بمنبر اعلامي لكن الآن اخذ ت الشهره لمن لايسحق مع الاسف فهنا في منتدى الهيلا شعراء والله انني اقف لهم اجلال واحترام وبعضهم يكتب بااسماء مستعاره وقصائدهم بيت منها عن عشرات القصائد لياسر ولكن لم يشتهروا فااشهد ان الشهره ليست بدليل ......... استميحكم عذ را ً واتقدم بالشكر الجزيل للاستاذ الكبير العملاق في نقده الا وهو عمر الروقي وشكري له بسب عدم مجاملته على حساب الشعر وان دل ذلك فإنما يدل على أمانته وصدقه ولكن في هذا الوقت لاأحد يريد الصدق ........ فلقد استفدت من نقده الكثير ...... وجميع ماذكره ها الاستاذ صحيح وملاحظاته عين الحقيقه المجرده وياليت في ساحة الشعر من هم مثل هذا الرجل الواعي عمر الروقي فلو ان فيها اثنين فقط مثله فوالله لن يخرج علينا امثال ياسر والشعراء الذين شعرهم هزيل جدا ً آسف على الإطاله وقول الحقيقه لأن الحقيقه دائما ً مره .. تحياتي راع العرف |
| الساعة الآن »05:49 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd
