الليل يابونجر جهز صفوفك=
يالشاعر البيطار هاذي وصوفك=
اسمك نشوفه مير نبغا نشوفك=
والسن فيه السن والعين بالعين=
وانا موجود لكن مافتحت عيناك= نقص شوفك يابو نجر ركبلك مرايات
وتراك أنت الوفا والكرم من كسب يمناك=يابن عم رفع ف السما لطيب رايات

أنا عتيبي واعتزي في عتيبه=
برقا وروق وغيرهم ويش ابيبه=
وأسم الفخامه كلنا نعتزيبه=
والسن فيه السن والعين بالعين=
سوالك عن ربوعك فضيله لاعدمناك= ياقاري فالروايات دقق فالروايات
ماغير مسير يم ربع علمهم جاك = لهم جيش مدرب كما جيش الولايات

أنته نفيعي مير ماا نت الدهينه=
وينك ومقعد مرعب القوم وينه=
نطاح جمع القوم موفي يمينه=
والعين فيها العين والسن بالسن=
الاد نفاع بالكثر كثر نجوم الافلاك= وزادو بالكرم والحميه والبطولات
يابو نجر انت ساري ولدري وين مسراك=لكن ارفق لاتسرع ترى قدمك مطبات

يابو نجر ياسيفنا الي نسله =
وعن الكلام الشين شخصه نجله=
شاعر وابن عم وكلامه مامله=
والسن فيه السن والعين بالعين=
تشرفنا بلعب (ن )معك وايضا كسبناك=ومعرفتك تجاره ودرب لشكالات
أنا عندي شغل مير شفي والله رضاك=لكن اسمحلي أختم على محمد صلوات