اتحداكم ياعيال عمي تحلونه
للشاعر عبدالرحمن الجمعاني الوقداني
أبنشد العـراف وانشـد هــــل القـيس ## عــن غبوتي واقـر للي عرفها وش هـو جفر يرضع بطيزه من الديس ## ترهم عليه امه وهو في طرفها جاه النصر واوزى فمه في فم التيس ## حتـى شرب در امه اللي عطفها |
وينكم يابن شامان ويا صنهاتي
حلو اللغز اللي جبته
|
عثمان الوقداني
صباح الخير وش رأيك في غطاس الماكينة فب البئــــــر . محاولة أولــــى . |
اخوي ساري الليل
مالك لوى الجواب غير صحيح وهذا البيت له اكثر من مائة سنة اي قبل الغطاسات وحاول مرة اخرى وشكرا واذا ازريت تحله اعطيتك الجواب
|
والله ابرمع رمعه ولا ادري ياعثمان
لكن ماهوب الصميل |
لابن عاصم
مالك لوى معليش يالعصيمي حاول مرة ثانية وخيرها في غيرها
|
السلام عليكم
والله فكرت وتوصلت لحل بس مدري هو والا لا اظن انه القلم تحياتي:rolleyes: |
معليش حاول مرة ثانية يااخوي المحارب
|
الحل عندي حبيب قلبي
بعد بحث وتمعن وتفكيييييييييييييييييييييير
اعتقد ياخوك بأنه ـــ غصن الشجرة ــ انشاء الله ما تقول لا لك لوا |4| تحياتي للجميع |4| |
يالوجيه
معليش يا خوي حاول مرة ثانية
لو دريت عن الغنم كان منها ما شريت* زهقت منها قبل لاحط راس مال دلعتني فاول الهجر واتلاها بكيت* دردبتني مع كرا مثل ثلب فالرحال |
عثمان الوقداني
بعد التحية والاحترام ،،،
مشاركة انشاء الله انها صحيحة الجواب ماهب السعن أو القربة وتحياتي لك ،، |
اللغز محير وحيرني معه يا عثمان
ولكن اعتقد ان تفصيل حله كالتالي: الجفر - أصبع البندق الأم - البندق النصر - العبرود در أمه - البارود هذا اعتقادي وعسى يكون صحيح . |
انت اقرب واحد للجواب ولكن ما هو هو حاول مرة ثانية ولك التحية
يالصنهاتي |
هل عجزتو عن حله
اذا لم تستطيعوا حل اللغز فاخبروني حتى اعطيكم الحل
|
الدلو
ان شاء الله يكون الدلو او الغرب في البير
|
أبنشد العـراف وانشـد هــــل القـيس ## عــن غبوتي واقـر للي عرفها
وش هـو جفر يرضع بطيزه من الديس ## ترهم عليه امه وهو في طرفها جاه النصر واوزى فمه في فم التيس ## حتـى شرب در امه اللي عطفها الحل:- حسب اعتقادي.. ان الجفر. الجوال.. الديس هوالمحول وامه هي البطاريه.. والنصر هوصاحب الجوال.. فم التيس فيش الكهرباء تقبل تحياتي.:D |
للاسف
معليش ياعيال عمي حاولوا للمرة الالف
|
الأخ : عثمان
حبينا نشارك مع من شاركوا واقول رمعة وأسباب إختياري لها فأنا فسرت اللغز على (( اللي)) حق شفط الماء فهو يسحب المويه طبعاً من الجك بالجهة الخلفية والنسر هو الأدمي والدر: الماء هذا والله أعلم كما اني أقول ممكن انها المقمع والبارود |
مالكم لوى
حاولوا مرة اخرى وشكرا
|
مساك الله بالخير ممكن ان الحل هو : لي الشيشة هذي نضرتي والناس كلٍ بنضراته goodby |
عرفته .............. المقمع
|
كريم سبله
تراك اقتربت من الحل
|
مساك الله بالخير
حل الغز لنكان مخاب ظني :المصاص والله العالم |
ان شاء الله صحيح
ان مع لاخ كريم سبلا وان شاء الله الحل يكون صحيح
|
.
معليش حاولوا مرة اخرى
|
طيب يا عثمـــــان
وش رأيك في اللستك ولي الهوى تراك حـيّـــــــرتنا , يا عثمان . وشكرا . |
إحتار من يختار
ولكن عندي رمعة لعلها تصيب ما هو التحلول حق المرضعة؟؟؟؟؟؟؟ |
معليش
حاولوا ايضا
|
السلام عليكم ورحمة الله وبركاته
اظن ان الحل بندق ام فتيل لاتقول............. لا |4||4||4||4| |
مالك لوى
مالك لوى اخوي حاول مرة اخرى
|
هذا سلمك الله ( الماطور) ماطور الماء
|
أنا مع مطلق
انا أشوف ان مطلق مهوب بعيد عنه وأظنه الدلو، والنصر : السيل
|
حاولوا ايضا
معليش يعيال العم حاولو مرة ثانية ومشكورين
|
العبرود
الرصاصةهي -الام /والعبرود- الجفر / واالتيس - فم البندق /
اقرب شي للحل هو العبرود راس الرصاصة محتضنته الرصاصة وفمه في فم البندقلين يجيه الفرج من النادوس . كذا ولا لا ياوقداني ......؟؟؟؟؟؟؟؟؟؟؟ |
تكمله
در امه البارود
|
معليش
حاول ايضا
|
هو اللغز انحل ولا بعده يالوقداني !!!! نبي نحاول .
|
لا لم يحل
لم يستطع احد حله
|
وليا هالحين مانحل : خذ عاد ولا تبطي الله يهديك
الحل هو : اللي ( الهوز ) ولا شراع الماء ... هاه :) |
الله العالم انه "الغليووووووووووون"|4||4||4||4||4|
اعتقد كذا ماعاد فيها مالكم لوى هههههههههههههههههههه:D |
الساعة الآن »06:21 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd