يالشمالي عسى عمرك طويل = هرجة ٍ وسط بالك قولها
والسوالف لها اسباب ومجال = خيلي يامخايل خيلي
ليلنا يختلف عن كل ليل = ارعدت وانتثر هملولها
فوق راسك هماليل الخيال = خيلي يامخايل خيلي

باديه مثل مايبدي سهيل = الصناديق فك اقفولها
عارفين العدال من الميال = خيلي يامخايل خيلي
مانبالك كثير ولا قليل = وفّر اجمالها وخيولها
هينه هينه يابن الحلال = خيلي يامخايل خيلي

ياعميل ٍ مابا غيرك عميل = رميتي خل رميك حولها
الهدف واضح ٍ مثل الهلال = خيلي يامخايل خيلي
سيّل السيل مع وادي عصيل = كل ديره جرف محصولها
والعرب وضعها فيه اختلال = خيلي يامخايل خيلي

الزمن صار ماهوب بحليل = اختلط طينها مع لولها
وين راحوا طحاطيح الرجال = خيلي يامخايل خيلي
الله اللي على خلقه وكيل = عالم احوالها ودلولها
بامره الكون واحداث الليال = خيلي يامخايل خيلي

لاتحسب ان هذا مستحيل ... الرساله وصل مرسولها = شاف له شي لايمكن يقال .. خيلي يامخايل خيلي
يشفي الله راع القلب العليل .. والمقرّد معه بطبولها = طبلوا له على درب الضلال .. خيلي يامخايل خيلي