نويت أشب ناري فالثبيتي والوعد قدام=يالين إيتوب عن سهم اللجين وسهم ينسابي
يقولون العرب قلبك معلق بأخضر الأرقام=وهاذي ماوراها الا التعب مع حرّق ألاعصابي

انا خايف عليك اتصير يامقعد مثل صدام= تدخل في السياسه بالشعر واظنك ارهابي
يابو فيصل عساالله ينصر اهل الدين والاسلام= وشي ان ينكتبلك يافتى ماعنه مجنابي

نصحتك ثم نصحتك والنصيحه من زمان العام=وقلتلك المضارب ياعميل الخير كذابي
يبا يدور الزمن ياصاحبي ماطالت ألاقزام=وهاذي حكمة الله لو تفتل روس الاشنابي

قبل تنشر وتكتب راجع المسؤل في الاعلام=وادر نفسك بنفسك لا تعرضها للسبابي
لوني مع وزير الاقتصاد احكمك بالاعدام= واعمدكل تاجر في البلد يعطيك مشعابي

تقوله بعد ماطوّيت صحفها وجفت ألاقلام=لاكنك لاتمد إيديك يم الجحر والدابي
ترى ذيبان سامحلي والأيداء يالثبيتي نام=ومرزوق العتيبي قال حطه لقمة النابي

يابو فيصل توقع لاتغرك كثرة الاحلام= تحكم في لسانك مايجيك اخلاف وحسابي
يامقعد لاتسوي في البلد باشه وابو عرام=هذيك البنت غيرك جالها حاكم وخطابي

ولا ياللي تهز الراس هز الراس للحجام=لك الله ماتروحبها كذيا بين الاصحابي
بعد غيرة رحلتها من المغرب لوجه الشام= نويت أعلقك مابين جنحاني ومخلابي

ابومصعب واهل بغداد راحو مثل اهل فتنام= ونار المعركه تبغى ولد للحرب حرابي
انا تاجر ولطمع فالفقير وورثت الايتام= لكن انته تجاهلبي يامقعد وانته ادرابي

المشاركة الأصلية كتبت بواسطة مقعد الدغيلبي هههههههههههههههههههههههه حسبي الله على عدوك يالنشمي تقوله بعد ماطوّيت صحفها وجفت ألاقلام=لاكنك لاتمد إيديك يم الجحر والدابي ترى ذيبان سامحلي والأيداء يالثبيتي نام=ومرزوق العتيبي قال حطه لقمة النابي يالنشمي الايداء لايصحى ثم يعاقبنا

أنا مالي دخل والله يديم الستر والانعام=ونار المعركه والحرب مالك عنه مجنابي
يقولون العرب من قال أنا ضيم الرجال يضام=وانا ماجهلك لاكن سيفنا نساف ألارقابي

ليا هبت عواصيف البحور وهبت الانسام= تطيح الخيمه اللي مالها عمدان واطنابي
ابا اللبسك درع وسيف وابا احزمك بحزام= واباك اتواجه اللي حطله تنظيم واحزابي

تحت قوع البحور اللي تلاطم ياثبيت اللغام=دخيلك لاتعرضها الزرى وغصون الانشابي
مادامك منت قادر فالمواقف خلها لخزام=تريح في ضلاله والسعد فالوقت ماغابي

انا اريدك حكم ثالث تساعد حضرة الحكام= تشجع كل منهوا محترف للعب لعابي
ترانا اهل المواقف والثبيتي للعدى للطام= ولن عجزوا عن الفنجال للفنجال شرابي