يقولون الغرام اليا سطا بالقلـب جالـه شـان=وانا ماكنت اصـدق بالكـلام اللـي يقولونـه
قبل لادخل مجالاتـه واحـس بغيبـة الخـلان=اقوله يـوم دنيـاي وحياتـي منـه مأمونـه
قبل لاصير للمجمـول شـاره حطهـا نيشـان=رماني بالغرام اللـي حياتـي فيـه مرهونـه
غلاه بوسط قلبـي مايزحـزح كنـه البنيـان=لو افقد شوفته ساعه يصـاب القلـب بجنونـه
عطاه الله جمالاً مابعد شفته علـى اي انسـان=جمع زيـن البشـر كلـه بغيـره مايطرونـه
عيونه عين حرً مع هل المقناص فعلـه بـان=اليامنه لخص يهوي ماهـوب يتـوق بمتونـه
كما نور القمر خده بعشر وخمس من شعبـان=جديلـه كنـه الغـدراء اليـا قامـو يكدونـه
عسى الماطر على ارضً فوقها يمشي قبل ودان=تساقيها ودادين المطـر مـن رايـح امزونـه
عسى ربي يفكّه من عيون السـو والحسـدان=ويكفيه القلوب اللـي بهـا الاحقـاد مدفونـه
تواصلنا على حب الشـرف ماخالطـه حقـران=على سكة غـرامً طاهـره للنـاس مسنونـه

[TABLE="width:70%;background-color:white;border:3px double royalblue;"][CELL="filter:;"]

العتيبي
خـــــالعتيبيـــــــــــــــــــــــالــــــــــــ ـــــــــــــــــــد


ليس الغريب أن تأتي قصيدة خالد جميله ولكن


الغريب خلاف ذلك لك مني كل أحترام


وشكراً


أبن مســــــــــــــلـــم

[/CELL][/TABLE]