كنت خايف ينتثر حزني عليك ولا تلمـّه=واثر حزنك لمـّني كلّي وخلاني " كذيّا "
واقف فوق السهر.. والحزن يمدحني .. واذمّه !=لعنبو هالحزن .. ساقه فالسهر ضدي حميّا !
وانت بردك برد .. ماهمّه دفاك اللي تضمـّه=والا انا بردي مواجع يوم جمرك ما تهيـّا
أنت عمرك شفت لك عاشق يشيل بوسط دمّه=شي من حزنه وضيقاته وصبرٍ عنه عيـّا !
كل " حلمٍ " صار " حملٍ " شايله وازريت اتمـّه !=وانت " ملحٍ " ينتثر في داخل ضلوعي " هنيّا "
كل ما سولف غيابك عنك جبت " اكبر مطمّه "=كنّي اللي عن هجير الشمس بالشمس يتفيّا !
لو تعوّد بس !! .. شفت من الغلا كيفه وكمّه =قلب يـِنبِت ورد ما بين السويدي والعليّا !