سلام تسليمٍ يعم اول عتيبه والاخير=من غير قاصر فى الرجال اللي عراب جدودها
العلم درّه فى بحر يبغالها رجلٍ خبير=واللي معه حجه لايبديها بغير شهودها

ياللي تسلم مرحبا ونقول مسيتم بخير = حيثك من ارجال الوفا اللي ماتزل احدودها
العلم مايخفى على رجل ٍ معه عقل وبصير = لكن يارجال قدها للموارد قودها

دام البقا دام البقا والعلم غير العلم غير=الناس مدري من حاويها ومن مردودها؟
مدري شربت من البحر والا شربت من الغدير؟=اليوم يامرزوق وش نقص العلوم وزودها؟

العلم هات العلم واللي قدّره ربك يصير = كيف المطر وسط المزون اللي تحن ارعودها
انا معك ياصاحبي انا معك وين بتسير = واللي تباه انحققه والناس من مجهودها

بعض العلوم يجرّها ويقودها سلك الحرير=والكف يامرزوق ماترضى بلطم خدودها
العام علّمتك لكنك ماتشير وتستشير=حطيت بعض الناس صاحيها على مقرودها

الغيب علمه عند ربي والزمن هذا خطير = عز الله انك قلتها حاشاك .. من منقودها
الطيب عز لصاحبه ولاّ الردا حبله قصير = مار اليمن لازم نحط اشبوك دون ازيودها

اعلوم ماودي بها منها عسى ربي يجير=تعقّدت لكن يامرزوق حل عقودها
احدٍ يبا سمن وعسل واحدٍ يبا تمر ومضير=واهل اليمن تقبس فتايلها بروس زنودها

حنا نحاول نطفي الشعله ونهدم كل بير = بير المشاكل طمّها يمنع جميع اورودها
اليا نقدت انقد على اكبر راس في ظهر البعير = ولا الضعاف اضعاف غيبتها سوات وجودها

المشاركة الأصلية كتبت بواسطة الايداء1 , ولا الضعاف اضعاف غيبتها سوات وجودها ولا الضعاف اضعاف غيبتها سوات وجودها ولا الضعاف اضعاف غيبتها سوات وجودها ولا الضعاف اضعاف غيبتها سوات وجودها ولا الضعاف اضعاف غيبتها سوات وجودها ولا الضعاف اضعاف غيبتها سوات وجودها صح السانك يبو محمد ولايهون الشمالي الغربي أبداع دائماً متجدد لكما ,

ان كان تبغا الراي اخذ قاضي واخذ ضابط وامير=بيض الدعاوي يالعتيبي ماتشابه سودها
لاحضروا العراف من يخطي يعود ويستخير=هلت سحابة واقفا برقها ورعودها

المشاركة الأصلية كتبت بواسطة الشمالي الغربي بعض العلوم يجرّها ويقودها سلك الحرير=والكف يامرزوق ماترضى بلطم خدودها العام علّمتك لكنك ماتشير وتستشير=حطيت بعض الناس صاحيها على مقرودها

المشاركة الأصلية كتبت بواسطة مرزوق العتيبي الغيب علمه عند ربي والزمن هذا خطير = عز الله انك قلتها حاشاك .. من منقودها الطيب عز لصاحبه ولاّ الردا حبله قصير = مار اليمن لازم نحط اشبوك دون ازيودها