|
وش أقشر ما جرى علاك؟
[TABLE="width:70%;background-color:white;"][CELL="filter:;"] ودي اذكر سالفة ودي بعد ان الاعضاء يشاركون في هالموضوع وكل واحد يذكر اقشر ماجرى عليه خاصة المواقف والسوالف اللي فيها طرافه السالفة هاذي جرت على الشيخ/ عمر بن ربيعان وانا سمعتها من احد الشيبان وهي قديمة يقول كان الشيخ/ عمر بن ربيعان قاصدٍ الحساء ومعه مجموعة اربعه اوخمسة رياجيل المهم وهم في طريقهم مارين بالدهناء وينشدون الناس اللي على دربهم عن العرب ويذكر لهم عتبان فلان وخوه وهم اثنين اخوان وتجار معهم حلال وطرش المهم عمر عرفهم بالسمعه والا شخصياً مايعرفهم وهم واحدٍ منهم طيب وكريم واحد خبيل او دون شوي المهم يوم جت حروة المعشاء وهو حولهم وينشد ناس عنهم قالوا الطيب الموالي المهم خطروا الرجال وهلابهم وذبح الذبيحه وعشاهم وسمروا وسولفوا وغبقهم من الحليب قاموا اخوياه وراحوا لرحايلهم وبسطوا افرشهم يبا يرقدون عمر جالسٍ على النار عند معزبه (جاب العيد) المهم قدم يقوم يروح لخوياه اسند على معزبه ينشده عقب عشاه وغبقه قال( أخوك الرخمه وينه) هههههههه شف عاد الرد! قال انا الرخمه وخوي الطيب ليا منك انشاء الله افطرت وتقهويتوا على دربكم تقهوون الضحاء عنده انشاء الله والله مار يقوم الشيخ ضايقة ٍ به الوسيعه ويوم اقبل على ربعه ويشيل على راسه من التراب قالوا انت علامك ياطويل العمر علمهم بالسالفة المهم سروا من ليلهم ممرحوا وهم في رجعتهم من الحساء يوم وازنوا العتيبي هذا ويرسل عمر واحد من أخوياه بخيشة هيل وخيشة قهوة قال رح عطهياه وهاذي السالفة وسلامتكم ... ولو ان فيه منتدى للسوالف كان ازين |
000
00 عز الله ان ماهوب رخمة بيض الله وجهك ياصنيتان وهذي السوالف اللي تليق بمجلس الرجال الهيلا مودتي . |
بيض الله وجهك ياخلف مرزوق وهذا من طيب اصلك
شكرا لمرورك ياغالي بس عاد ترى نبا منك سالفه وش اقشر ماجرى علاك |
تسلم يا صنيتان على السالفه الشيقه
وانا قايلن لك منذ مبطي ان عتيبه ما فيها رخوم .. كلها صقور ونداويه ,, النداوي |
اقتباس:
ومن قال سالم يالنداوي صدقت مافي الهيلا رخمة الطريف فالسالفة رد الرجال لو انه خبل كان قال ايه اخوي الرخمه عانه فالمكان الفلاني شكراً لمرورك |
مشكور اخوي صنيتان قرداحي على ايراد السالفة اللي ترفع الراس
والله يعطيك العافية وجعلك دوم على القوة ولك كل الحب والمودة |
الشكر الجزيل اخوي اثلث لمرورك العذب
تحاااتي |
اخوي صنيتان
مشكور على السالفه الرائعه وننتظر منك المزيد |
الشكر الجزيل لمرورك أخوي/نواف
تحيااااتي |
سالفه طيبة
مشكور عليها صنيتان ونتمنى منك ان لا تحرمنا من جديدك من السوالف الطيبه تحياتي |
اقتباس:
يا هلا والله بفيصل المسعودي ابشر عزك يالغالي تحياااتي |
ياصنيتان الرخمه مايجي كريم والا عتيبه معروفه يالله لك الحمد بالكرم والطيب
|
سنافي ودلك زين
ياصنيتان قرداحي ولاهنت يابوي |
اقتباس:
|
الحين الرجال يبيكم تشاركونة بالموضوع
مشفت ولا واحد منكم قال وش اقشر ماجرى علاك........ صنيتان قرادحي دائما ذووق..... انا الله يسلمك صارلي موقف طررريف جدا وهو جيت ابي اسلم على واحد مقابلني وبصدفة جاء واحد من جهة اليسار وتوهقت لان اللي على اليمين ينادي واللي قدامي قريب توقعووا شوو سويت ^ ^ ^ ^ ^ ^ ^ ^ ^ سلمت عليهم الاثنين |
هذا اقشر ماجرى علاك يا نواف
والله ماشاء الله عليك كم عمرك؟؟ ههههههههههه شكراً لمرورك تحيااااتي |
السلام عليكم ورحمة الله وبركاته
مسا الخيراخوي اصنيتان وهاذي اعتيبة ذباحة الحايل لطامت العايل مافيهم ارخوم ومشكور |
فهد العضياني/ شكراً لمرورك
|
| الساعة الآن »08:37 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd