انا وش عاد اسوي واللجين امست بنص ريال=الا يا الله دخيلك ضاعت الغله وما فيها
ليا كان البضاعه بايره يبلش بها الدلال=وانا حرمت ماجي عند بايعها وشاريها
ادور للمكاسب والمصيبه جت براس المال=سوايا والسوايا ما درينا من يسويها
بعد حولت في سابك وقالو لي تسر الحال=وقالو لي علاك ابها تعشيك وتعشيها
وراها دحدرت ماعاد اجودها ولا بحبال=ماغير انثر لها دمعة حزن والروح امنيها
وقالو للمكيرش حط في سوق الغنم واشتال=وانا حتى المواشي يا عرب ماني براعيها
وقالو للمصافي والمصافي يا عرب زلزال=كوتني كية(ن) في خاطري ماني بناسيها
ولا عزاه يا بيشه اثر ماهي بزينة فال=كلام الناس يرفعها وهرج الناس يرخيها
ولا واشيب عيني صارت الدعوه عراض طوال=ولا عندي جدا غير البيوت اللي نغنيها
بعد صارت عيوني يا عرب تطرد سراب اللال=وهذي حالة العربان قاصيها ودانيها
ابترك سوق الاسهم واترك الحمله مع الجمّال=ولو ان المواشي عودت تومي بأذانيها

[TABLE="width:70%;"][CELL="filter:;"]

صح لسانك
والله يعينك

[/CELL][/TABLE]