سلام رديه على قرم الرجال =طوفان البحر شمعة من حضر
ياليل ياليل السعاده والهناء =واللي عقد روس الحبال يحلها
أشوف لي برق جنوبي شمال =برقه سرى وين الخبر هات الخبر
ما ذقت من شوفته ياكود العناء =واللي عقد روس الحبال يحلها

يامرحبا ترحيبةٍ كبر الجبال= هذاالشهر تسمع قرار الموتمر
ياليل جعله خير قدام الفناء= واللي عقد روس الحبال يحلها
كريم يابراق في وسطالخيال= هل المطر ياصاحبي هل المطر
الفقر ماياتيك من بعد الغناء= واللي عقد روس الحبال يحلها

المشاركة الأصلية كتبت بواسطة الطوفان يامرحبا ترحيبةٍ كبر الجبال= هذاالشهر تسمع قرار الموتمر ياليل جعله خير قدام الفناء= واللي عقد روس الحبال يحلها كريم يابراق في وسطالخيال= هل المطر ياصاحبي هل المطر الفقر ماياتيك من بعد الغناء= واللي عقد روس الحبال يحلها

وبك البقا ياشاعر وافي الخصال=من ناظر بيوته تعجب وأنبهر
جيتك ذيه طب روحي والمناء = واللي عقد روس الحبال يحلها
البرق يبرق خارج حدود المجال =أشوف براقه لمع وسط البحر
ياذيب عاين بالجسور وبالبناء =واللي عقد روس الحبال يحلها

هذا الكلام اللي كما الجم الزلال=انااشهد انك لك كلام معتبر
والشكر لله ياعميلي والثناء= واللي عقد رووس الحبال يحلها
البرق جاله ضو ومزونه ثقال= يبرق على البحرين مدري في قطر
نارك لهيبه تشتعل ولهاسناء=واللي عقد رووس الحبال يحلها

مبناي شاهق مايبي شرح ٍ وجدال=من زود طوله شف عظيم ٍٍ بالنظر
شروى قصيدك يوم بالجزل انبنّاء=واللي عقد روس الحبال يحلها
بالوقت هذا شفت لي ميل وعدال=وتعبت اقاوم وانتخي جيش الصبر
بالقلب صفقات الهناادي والقنّاء=واللي عقد روس الحبال يحلها

المشاركة الأصلية كتبت بواسطة النشمي فطاحلت الشعار الطوفان والمشعلاني صحت السنتكم

المشاركة الأصلية كتبت بواسطة فواز الشيباني الطوفان والمشعلاني صحت السنتكم

المشاركة الأصلية كتبت بواسطة أبو زيد الطوفان والمشعلاني صحت السنتكم الله لايهينكم

ياللي بنيت البيت قدامك سوال= بنيك من الاسمنت ولا من حجر
افطن يجيك النوم من كثر الوناء= واللي عقد روس الحبال يحلها
قلي بامانه يوم تحسب فى الليال= وشوه جماد اول سنه ولا شهر
من يمنا ماجاك حيف ولا شناء =واللي عقد روس الحبال يحلها

بيتي المبني من المعنى مايناال=إمن الذهب ياللي تريد المحتضر
فاطنن علمي وانا بالماقف أنا=واللي عقد روس الحبال يحلها
حاسبن قبل امثالكم من العيال=الشهر جوف السنه وافهم يابشر
ومـدة اليمنى تجيب اللي لي عنـا=واللي عقد روس الحبال يحلها

نبني حجر من حيد ضلعان طوال=يوم ان بعض الناس بيته من مدر
والحمدلله والشكر مامن عنااء=واللي عقد روس الحبال يحلها
شهر جماد اول شهر يابن الحلال=وانته جهلته مار اخذ مني خبر
والهدم يفرق يالعميل عن البناء=واللي عقد روس الحبال يحلها