سلام الله على مقعد ومقعد من رجال الطيب=رجالٍ لاحتمى الميقاف تاقف دون لازمها
تحيزم ياطويل العمر مابه شك ولاريب=عسى يفداك ناس فالبلد تقلب مارازمها

هلا يامرحبابك يالمسلم واثني الترحيب=تراحيب(ن)على وضح النقى المجرود اقدمها
توكلنا على الله وانت ذيب مخاويلك ذيب=حقوق المعرفه والطيب يابن العم ماهضمها

يدوم الك البقاء يلي ترحب والزمان اصعيب= زمان العولمه نص الخليقه مايفهمها
كبر جرح اليالي واليالي تخلف الترتيب=بيوت العز نبنيها وجور الوقت يهدمها

مجاهيم الليالي يالحميدي حامله بالغيب=كذب من قال يانايف علوم الغيب يعلمها
عسى ربي يكافينا شرور الوقت والتخصيب=يانايمها 0ياصاحيها0ياصاحيها0يانايمها

مجاهيم اليالي حملت بالهم والتخريب=عسى ربي يزينها ولايخفي معالمها
ومنها ماحصل في غنتناموا قبل سجن غريب=يفرقها قليل المعرفه يعجز يلملمها

يشيب الراس يانايف ولو بدري عليه الشيب=لاكن اهل الوفاءوالطيب ماتبرد عزايمها
ياويلك ويل ياللي تدعم الأرهاب والتعذيب=نبا نقطع عليك احلومك اللي كنت تحلمها

عسى حظ الوفي يظهر عسى حظ الخبيث ايخيب=حقيقه والحقيقه في ضميري كيف ابكتمها
انا مابيك يامقعد هنيا بس ود وجيب= تعلمها تدرسها تدرسها تعلمها

عسى ربي يجنبنا دروب الصعلكه والعيب=وناس(ن)مارحمها الله ترى مالناس ترحمها
عساك تفيد يانايف صحيبك والصحيب صحيب=محازمهم محازمكم محازمكم محازمها