ياربعنا العتبان = اللعب دوبه زان
من فارس الميدان = طيري ياطياره
يابعيد سر الليل = على ظهور الخيل
الحط بعده شيل = طيري ياطياره

يالشاعر اللطام=من يوم طارك حام
في تالي الايام =طيري ياطياره
يالصاحب الطيب= ماني بمتغيب
موجود و قريب=طيري ياطياره

يالله عساك اتدوم = وتحصل المقسوم
كلش ترى معلوم = طيري ياطياره
السلم يازينه = والهوش ياشينه
والفعل هالحينه = طيري ياطياره

أتصوغ ألك بيتين=وتغيب ألك شهرين
يالسيف ابو حدين=صافي على صافي
الهوش لا بده=في ساعة الشده
للي نساء حده=صافي على صافي

اغيب لضروفي = ذا شي معروفي
ماهو ترى خوفي = طيري ياطياره
من بعد ناديتك = قلت انتظر بيتك
ابطيت خليتك = طيري طياره

المشاركة الأصلية كتبت بواسطة اللطّــام اغيب لضروفي = ذا شي معروفي ماهو ترى خوفي = طيري ياطياره من بعد ناديتك = قلت انتظر بيتك ابطيت خليتك = طيري طياره

أخلاف ماش أخلاف=وأليا أحتما الميقاف
أتغيب ماتنشاف=صافي على صافي
ياللي تناديني=دايم تخليني
من عام الالفيني=صافي على صافي

ماتترك اطبوعك = لين افرق اجموعك
والطمك واصوعك = طيري ياطياره
ارفع كلامك فوق = خل المزاج يروق
يالعاقل المطفوق = طيري ياطياره

هونك على حالك=تراك بلحالك
وبعيد يبرالك=صافي على صافي
هرجي علا شانك=ما هس ميزانك
هرجتك بلسانك=صافي على صافي

بعيد يبرا لي = ماياقف اقبالي
في كل الاحوالي = طيري ياطياره
جاني خبر فالحال= يقول هالرجال
صاير من العقال = طيري ياطياره

يالسارح الضاوي=ماقف لبرقاوي
ياحضرت الراوي=صافي على صافي
العلم من ظنك=وأليا رقص جنك
أرحمك و أحنك=صافي على صافي

برقا مع الروقه = ماهيب مسبوقه
فالطيب وطروقه = طيري ياطياره
لكن انا قلت لك = ماجيت اباهبلك
بدلعك وامهلك = طيري ياطياره

توك بديت أتفوق=يوم أحتما الطاروق
لو كان كلك ذوق=صافي على صافي
مابغا دلعك وروح= وا قلبي المجروح
يالصاحب المملوح=صافي على صافي

المشاركة الأصلية كتبت بواسطة مرزوق العتيبي ..... .. اقسم بالله انكم مبدعين لكن تكفون ياعيال العم نبيها سنود يا اهل الجود :) كل الود لكما .....

المشاركة الأصلية كتبت بواسطة مرزوق العتيبي .... .. . اممممممممممممممممم في صف بعيد مافيها كلام ... ...

انته علامك هيك = قمت امرك وانهيك
وليا رفضت انهيك = طيري ياطياره
ترى الرجال اعماق = اما انت يالوقواق
جلدك سخيف رقاق = طيري ياطياره

لطام شو بدك= وقف على حدك
وأرتاح و أسدك= صافي على صافي
وراك صاير جلف=فارق مابالك ولف
ياللي تناضر خلف=صافي على صافي