المشاركة الأصلية كتبت بواسطة نبيل اخواني واخواتي في هذا المنتدى الرااااااائع السلام عليكم حبيت انتهز هذة الفرصة واشارككم بهذة القصيدة الغزلية واتمني ان تحوز باعجاابكم واليكم الأبيااات

افتح شبابيك الهوى جيتـك اليـوم =بحساس من زود الوله عده ايطيـر
جيتك مثل طفلن له ايـام محـروم =عن حضن امـه بعدتـه المقاديـر
وجيتك مثل عودن له ايـام مهمـوم =وده يلاقي باخـر الوقـت تقديـر
وجيتك حضن عاشق وهايم ومغروم =وده يضمك لين تصبح على خيـر
متى تحس ان الهوى شـي مقسـوم =من قسمة الخالق على خلقه يصيـر
ومتى تحس اني لك اطيـح واقـوم =واتعب على شانك واقدرك وآغيـر
لي في هواك احلام وامال وعلـوم =واحزاب واصحاب وقصيد وجماهير
وهموم وافكار وهواجيـس وحلـوم =وادروب واخطار وعذاب ومشاوير
وحب وغلا واخلاص ومعاند ولـوم =واحساس واللهام وشعور وتفاكيـر
وصحبة سهر ومقاطعة لـذة النـوم =واشواق جياشه وعشـق وتعابيـر
في ذمتك مابان لـك شـي مكتـوم =من بعد ماصورت الاوضاع تصوير
لاتحسب انك شي عابـر ومعـدوم =وتاريخ حبك فاق كـل الاساطيـر
كنـي لقيتـك بأغنيـه لأم كلثومـو =كني قريتك فـي روايـة شكسبيـر
في كل شي اتخيلـك واسمعـك دوم =واتأملك في الوقـت الأول ولآخيـر
من ماضي الأيـام لايومـك اليـوم =وغلاك عندي ماحصل فيه تغييـر
وانا لك الله مأقبـل البيـع والسـوم =ولا ارضى علي ولاعليك المخاسير
لاْني الوحيد اللي على بحرك يعـوم =واللي عرف مرساه في رحلة السير
لحظه حبيبي قبـل يسبقنـي النـوم =بضم صدرك لين تصبح على خير