|
معركة الجرير بين السياحين والجذعان ومطير
اخواني الاعزاء
السلام عليكم ورحمة الله وبركاته سأروي لكم قصة معركة دارت رحاها بين السياحين والجذعان من جهه وبين منقية مطير (وهم مجموعة من شيوخ منهم بن جبرين والسور وبن درويش) وهذه المعركة جرت في وادي الجرير , وحدثت في الأيام اللتي سبقتها مناوشات , وحصل ان أرسلت وحدة من السياحين اسمها غزيه لشيوخ مطير قصيدة تنخاهم فيها وتطلبهم ان يقتلوا زوجها (شايم الحنتير) لأنه كان شايب وما تبيه وهو معيي يطلقها. في يوم المعركة الحاسمة ,ذبح السياحين والجذعان تسعين(90) من خيل مطير وكسروهم وضربوهم كبيرهم السور بشلفا في وركه وطلعت من الجهه الثانيه . في هذه الاثناء رمى واحد من المطران شايم وسقط عن الفرس فظن انه قتله. فقال المطيري: حنا طرحنا شايم الحنتير ومهارنا راجت علاه لعيون لباس الحرير اللي يوصينا علاه فرد عليهم شايم بنفسه فقال: ان كان تطري طرحة الحنتير طرحة عجوز في صفاه تسعين مهرة في الجرير والسور سرواله ملاه هذه هي كل القصة اللتي بالغ فيها المطران مبالغة شديده وادعوا انهم طلقوها من رجالها ولو طلقوها كان قاله شاعرهم مع التحية , اخوكم/ فواز المزنكي |
يالله حي ولد ناصر
كفو يالسياحين ياهل الملحاء . يالله حي اهل الجثوم
لكن جابك الله نبيك تعلمنا عن السياحين وفروع قبيلتكم وعن معارك السياحين وقصيدهم واذكر ان فيه سيحاني يقول ان السياحين ذابحين شيخ من شيوخ قحطان ياليت تعلمنا بسالفتهم . وش سالفة بن شويه السبيعي و علاقته مع السياحين .؟ وعن ناس منكم يقالهم عيال ابو دحيم وفزعتهم للملك عبدالعزيز ؟ هذا مالدي وشكرا على سعة صدرك |
شكراُ لك على هذا المقال
يا فواز المزنكي أخوك/ يوسف الفرحان |
الأخ المؤرخ الأخ يوسف الفرحاني حياكم الله
ولكم الشكر على المداخلات فيما يخص السيحاني اللي ذبح شيخ من شيوخ قحطان فمداخلتي موجودة على موضوعك اتمنى ان تقرأها اما الأسئله الاخرى فانتظر وستقرأ ما ينومسك بحول الله وقوتة أكرر الشكر وأرجو من بن فرحان يعطينا قصيدة زيد بن ضيف الله خذنا بنادقهم بروس رماحنا ولاسرهم يوم الملاقا لهيبها اما فخوذ السياحين فهم باختصار الخوخان(المقانده والبلاعين وذوي مطلق) ذوي خّير ومنهم بن هاجد ذوي جهيم الفراحين(ذمي جبر وذوي سيف وذوي بركه) المشاوطه(السوادين والزواريط والروازين) ذوي علي (الكباشين والعراوين والهواويه وذوي جبرين) الزمايمه(ذوي مسلم وذوي مسيلم وذوي عويشز) الدلابسه المزانكه(ذوي حمد وذوي حميد وذوي كريزي وذوي فيد وذوي فايد) ارجوا من يوسف يصلحلي ان كنت اخطيت في شي ترى كله من الذاكرة اخوكم/ فواز المزنكي |
اقتباس:
اللي على مطير متعب بن جبرين وقعدان بن درويش ومثال السور لست متأكد من مثال واللي على الجذعان والسياحين غالب بن زريبة وعدوس بن زميم و 90 خيل من مطير ذبحت في وادي الجرير واللي صوب السور بالشلفا هو غالب بن زريبة وأسقطه من حصانه ويقال أن السور عملها وهو طايح مصوب فقال الحنتير بيته : ..................................... والسور سرواله ملاه واللي رمى شايم الحنتير بالبندق هو متعب بن جبرين وطاح شايم الحنتير لكن سلم والقصيدة نسبوها لنورة السيحانيه وهذا خطأ وقع فيه العصيمي الناقل من ابن رداس المخطيء زوجة شايم الحنتير هي غزية وليست نورة هذا أولاً ثانياً نورة ليست بشاعرة ولا يعرف لها بيت واحد والقصيدة التي فيها ذكر شيوخ مطير تنسب لمطيري عندما سمع غزية تشتكي من زوجها وهو في ضيافة زوجها شايم الحنتير فقالها على لسانها ونسبت لها والجذعان والسياحين كانوا حددا مطير محادين لهم في الأراضي وبينهم مناوشات والله يعطيك العافية على الموضوع . |
حياكم الله يا سيحان وبن هوازن ويوسف...وحي علومكم...
أما عن الفراحين فهم باختصار...ذوي جبر بن عبدالله بن فرحان وذوي حمدي بن سالم بن فرحان وذوي سيف بن عايض بن فرحان وأما عن قصيدة زيد بن ضيف الله بن حمدي بن فرحان.. فهو قالها في معركة غدده بين السياحين والجذعان وبين مطير... ومنها... وترى ماهو اسمه شايم ...اسمه سالم الحنتير والقصة الطلاق ملفقة لفقوها مطير بعد أن علم أحد سفهائهم ان فيه خلاف بين سالم وزوجته ففبرك هالمسرحية....التي يعقب كل مطيري عن فعلها.. والحق هو تطليق الزلامي والشغار للعبدليات..هذا الحق اللي مافيه كلام:rolleyes: تحياااااااتي لابناء العمومة... |
الأخ / ابن هوزن و الأخ / جهيبذاوي
لكم التحيات الطيبات وبعد شكرا على التفصيلات المفيدة وعلى القصيدة اخوي جهيبذاوي كما وضّحت لك الفراحين (ذوي جبر وذوي سيف وذوي بركة) اما حمدي فهو من ذوي سيف. السلام / فواز المزنكي |
حياك الله يا سيحان...
الله يهديك بس ذوي حمدي لحال...وذوي سيف لحال اخوك...ابن فرحان |
[TABLE="width:70%;"][CELL="filter:;"] ونعم بالجذعان والسياحين [/CELL][/TABLE]كفو والله |
هلا بك يا قاطع طريق
وماعلى ذوي عطيه زود وشكرا على المشاركه |
كفو والله ياالسياحين والجذعان
ومشكور على الموضوع يالمزنكي |
شكرا على المرور
يا فتى وادي الرشا |
والنعم والله بالسياحين والجذعان
ومشكور ياسيحان ابن السيحاني على طرحك لهذه القصه البطوليه التي نفخر بها جميعا وتقيل خالص تحياتي ،،،،،،،،،،،،، |
معركة الجرير
قاتل السور هو سداح ابن محيا وليس ابن زريبه
|
شكرا ياوراد على المرور وما عليك زود
الأخ عتيبي نجد اركد الله يرضى عليك اقر اللي انا كاتبه واللي بن هوازن كاتبه مااحد قال انه مات ولااحد قال ان بن زريبه ذبحه. |
والله والنعم بالسياحيين والجذعان
بعدي ربعي عتيبه لاهنت ياسيحان على ذكر ذا القصة |
ولاتهون ياقحص
شكرا على المرور |
يا خي مذينا المطران يقولون مطلقين نساكم بالجبر وسمون نفسهم مطلقين النساء بالجبر
حتا شاعرهم تركي 2000 يقووله .........ابك حنا مطلقين نساكم |
حيا الله ولد مزنك حيا الله ولد جدي
الهروج واجد لكن الحق واضح وضوح الشمس شاكر مرورك مع انه واجب |
كلامك صح ما في اي خطأ واشكرك على هذا المقال يا فواز المزنكي وأيضا ابن فرحان
لكن عندي سؤال؟ وين ساكن يا فواز المزنكي ؟ وأيضا لجهيداوي الاخ ؟ وشكرا |
ابطيتوا علانا يالربع؟؟؟؟؟؟؟؟؟؟؟؟؟؟؟؟؟؟؟؟؟؟؟ وليه يومنكم مارديتوا علانا وينكم يافواز ، ويوسف، وجهيذاوي**************************
س1/ وش سالفة بن شويه السبيعي مع السياحين .؟ س2/ وعن ناس منكم يقالهم عيال ابو دحيم وفزعتهم للملك عبدالعزيز ؟ |
والله ونعم بالسياحين والجذعان وعتيبه كلها
ولاهنت يا سيحان |
اخوي المؤرخ لا زلت ابحث لك لا تستعجل وانا اخوك
روق والسما فوق ( وش هالنك المطنوخ) تسلم على المرور وما عليك زود |
السلام عليكم ورحمة الله وبركاته
هذي ياخي سيحان معروفة قصتهاواسمها نورة وزوجها شايد الحنتير اعتزت بمطير وخاصة ابن جبرين فطلقها من زوجها ويقال انة ذبح زوجها ولم تكون هناك اي معركة تذكر اوقتل من خيل مطير بل هذا فترى على قبيلة مطير لكن الانسان الذي ليعرف القصة لايتي بها في المنتديات ويظلم الاخرين ....... شكراُ |
أولا يا شبل مطير....
لا يوجد احد اسمه شايد!!! والصحيح اسمه سالم الحنتير...وهذا أول دليل على اللخبطة والتزوير...وهو شاعر وفارس معروف بهذا الاسم ثم ان زوجته ماهي نورة..اسمها غزية...والسياحين كلهم يعرفون ذلك.... ثم لو انكم ذابحينه وشلون قال.. ............................. والسور سرواله ملاه! وهذي طبعا بعد المعركة.. على فكرة سالم الحنتير..الله يرحم أموات المسلمين كان شاعر مفوه وله أبيات حادة منها هذا البيت! فالقصة كلها مختلقة زورا وبهتانا.... اخترعها بعض سفهاء مطير في ظروف الحرب...وتعلم مافي الحرب من غدر وكذب.. وعتيبة ومطير حاليا قبائل عزيزة على بعض وكلنا اخوان في التوحيد والاسلام والحمدلله على نعمة التوحيد والأمن والأمان |
تذكّر يالمطيري وش جرى لك في شعيب الضال
حريمك عندنا فالقيض وانته رحت هثالي اللي ينحاش عن حريمه ما يطلق الاجنبيه من رجالها فواز المزنكي |
لمعرفة قصة شايم الحنتير...بالتمام والكمال..والرد على الملفقين..
إليكم هذا الرابط... www.otaibah.net/m/showthread.php?t=24430 تحيااااااااااتي |
الكلام الصحيح
بسم الله الرحمن الرحيم وبه نستعين
اخوي جهيبذاوي الله يهديك انت مستعجل وابو لاح (ما خبرنا لابو لاح عيال ) اعجل منك ولكن اخذوا كلام الصمايل 1: سالم الحنتير اخو شايم زوجته وحيشه بنت قميش المزنكيه , اما غزيه بنت جبر فهي زوجة شايم الحنتير. واسأل الحناتره في شقرا يعلمونك. 2: الكلام الصحيح هو ما ذكرته انا في البدايه من ان غزيه ارسلت مع واحد من المطران لابن جبرين لكي يذبح زوجها في المعركه لكنها لم ترسل قصيده. 3: لم ينكسر السياحين ابدا امام مطير او غيرهم في اي من معاركهم لكي تقول انهم انكسروا امام بن جبرين فاللي استيسروا الدويش والمر يخي ما ينكسرون قدام بن جبرين. 4: معركة الجرير كانت بين السياحين والجذعان فقط من الروقه وبين المنقيه (ابن جبرين وبن درويش والسور) وقومهم معهم طبعا , وليس لابن محيا فيها اي علاقه ومن ضرب السور بالشلفا في وركه بن زريبه وهذا ثابت عندنا الله يرضا عليك 5: شايم الحنتير بعد هذه المعركه طلق مرته من الزعل ولعلمك انه لم يتزوجها احد من السياحين بعده ولم يتزوجها الا واحد مطيري واخذت معها بنتها غديّر بنت شايم الحنتير اللتي سيّرت على السياحين بعد مده طويله وقامن السيحانيات يغنن فيها مرحبا جتنا غديّر ********* جاتنا من دار غربه يا غزال جا مسير ********* تتبع الغزلان دربه ان ابوها قعيد حاكم ******* ** قاعده لين ابتصربه ومن المعلوم عند السياحين كلهم ان الشاعر واللي كان يروح لابن رشيد ويرد عنده النشيد شايم الحنتير كنت اتمنّى انك ارسلت لي على الخاص قبل لا ترد وتكذبني لان بعض العلوم ما للناس فيها مصلحه |
قصة أرسل وما أرسل ماهي صحيحة..
هذه الزبدة وكفى.. وتأكد من معلوماتك.. واسأل رواة السياحين والمزاحمة الثقات موب رواة 2006 |
صح اللسانكم يا عيال عمي السياحين
|
قال المطيري:
فرد عليهم شايم بنفسه فقال: ونعم والله بالسياحين والجذعان |
قال المطيري:
فرد عليهم شايم بنفسه فقال: ونعم والله بالسياحين والجذعان |
قال المطيري:
فرد عليهم شايم بنفسه فقال: ونعم والله بالسياحين والجذعان |
يافواز لو سمحت
لي يالغالي طلب بسيط . ابيك تعلمني عن اولاد عيد بن مزنك كم وماهي اسمائهم واولادهم يعني سلالته الموجودين حاليا. وفي اى عام ولد تقريبا وعن وفاته وهل مات موت طبيعي او قتل ؟ وشكرا لك على سعة صدرك ************* |
هلا باخوي المؤرخ
ودي اعرف انت من اي الروقه احفاد عيد بن خلف بن فايد بن حماد المزنكي موجودين في الرياض وهم ذوي فنيسان وذوي الحميدي وذوي قاعد وهو الجد الخامس لشبابهم الحاليين اما وفاته فلا اذكر اني سمعت انه قتل وقصة بن شويه قريب اجيبها لك وهي اللي يقول فيها بجاد بن برغش المزنكي يا عنك في جيرانا مالنا غيب ***** نضحك لهم بالعين والقلب صاحي ونشرب مشاربهم على الخبث والطيب **** ونارد مواردهم هماج و قراحي الى ات قال من ذل منّا لا حمل به و لا جيب **** حرم على يمناه نقل السلاحي والقصيده اطول من ذلك كثيرا مع التحيه فواز المزنكي |
مشكوووور اخوي سيحان
ولاهنت |
مشكور اخووي
|
السلام يا المؤرخ...
ابودحيم له قصة مع السبعان والسهول... واسمه سلطان ابو دحيم..وكان معه سته من السياحين.. وهو انهم كانوا يبون يسقون من بئر ماء قريب من رماح.. فذبح دحيم بن سلطان احد السبعان...فجوك مجموعتين من السبعان والسهول...على ستة من السياحين فقط... وهنا قال الفارس الشجاع سلطان ابو دحيم للسياحين وكان أكبرهم سنا.. اسمعوا يالربع... ترى الذل... بن التل.. بن الفقر.. بن النار..يحفز السياحين الستة للمعركة وكان السبعان والسهول أكثر بكثير من السياحين الستة... فصمدوا صمود الأبطال وخلال ذلك اتى أبن شوية وسحب ربعه وأذن للسياحين بالنزول على عد الما..وانتهى الأمر.. هذي قصة ابو دحيم....وله قصص كثيرة تدل على شجاعته الفائقة منها رده لإبله عندما أخذوه المره فقاله الأمير محمد بن عبدالرحمن راح نعوضك...فقال أبو دحيم ( والله ماياخذها المري وعليها وسمنا الباب ) فذهب وردها لوحده.. تحيااتي |
الله يعطيكم العافيه على النقل
والله ونعم بكل عتيبه لاهنتووووو |
والله والنعم بالجذعان والسياحين
لا هنت ياسيحان |
| الساعة الآن »08:04 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd