ماكل من يضحك بدنياه مسرور=لو ضحكته دايم تحرك حجاجه
وماكل من يبكي من الناس مقهور=(بعض الدموع رخاص من شان حاجه)
وماكل صادق لو حكا لك من شعور=يا كثر من زيف المشاعر خراجه
وماكل ما يخفا من السر مستور=بعض الوجيه أبين من أرهف زجاجه
وماكل بيت' بابه أنصك مهجور=كم بيت أطفا الشح واهج سراجه
وماكل ورد' تزرعه يطلع ورود=لو ماه صافي ما يخالط هماجه
وماكل من يخطي من الناس معذور=البعض يخطي من علوم العواجه
وماكل من يسكت على الضيم مجبور=لجل الغلا ساكت ويدعي أنفراجه
وماكل عله فادها طب دكتور="كم من عليل وصل خله علاجه"
وماكل من شاور حكيم' خذا الشور= بعض البشر ما يقنع الا مزاجه
وما كل من سمي صقر يشبه صقور=كم صقر في وقت الشدايد دجاجه
وما كل من يفزع لجل مدح مشكور= "الرجل مرجلته وسامه وتاجه"