على الطوفان مني يارجال الطايلات عتاب = بعد ماشال عن وجهه قناع ابن المطيريه
ترى حنا عتابه مانحب الماكر الكذاب = لنا نيه ولا نصحب لبو خمسة عشر نيّه

@ صح لسانك ياللطام وبإنتظار الطوفان ..

@ بداية قوية تنذر بمحاورة شيقه بإذن الله متابعين

المشاركة الأصلية كتبت بواسطة اللطّــام الله يصبــــــــحكم بالخـــــــــــار على الطوفان مني يارجال الطايلات عتاب = بعد ماشال عن وجهه قناع ابن المطيريه ترى حنا عتابه مانحب الماكر الكذاب = لنا نيه ولا نصحب لبو خمسة عشر نيّه

عليك شهود من حضرة عيال العم والاجناب = ولا يافكرتي فاللي يشوف ومرخ اذانيّه
يابا يشهد على ماقلت شاعر روق ولاّ ذياب = وابو تركي ومرزوق العتيبي حاضر الهيّه

تهرب ماتهرب جالها في جبهتك مضراب = يابو وجهين والله دخلتك ماهي طبيعيه
وش اللي ماجعلك اتقولها من شان مانرتاب = حقايق ثابته لكن وش نعمل مع العيّه

غريبه طبعك المنفي غريبه نهجك المعياب = تروّغ من بدايتها تلوّى كنك الحيه
تعبت انشدك وانته ماتبا تطلع من الجلباب = وتاليها تمسك لك على حجات وهميّه

ويا الطوفان انا من فضل ربي للوفا كساب = وليا شفت العتيبي ودي احطّه بعينيه
تزعلنا ولكن بنتناسا زلة الاصحاب = واقول ان الخطيه جت من الرجال عفويّه

احدك يم علم الطيب وانت ادوّر الانشاب = ترى صاحبك لا حمي الوغا مافيه ماويّه
لاوالله ثم لاوالله ترى شكرك على المشعاب = على روس المجنن نجعل الكيّه على الكيّه

انا مثلك ماحسّب له ليازاد الكلام احساب = احوسه حوس واجعل هيبته من تحت رجليه
بعد هاك التعري بين ربعك ماكستك ثياب = غديت العوبة (ن) بين الرياجيل الشقرديه

اثر هذا الغليّم علته حارو ا بها الاطباب = وفيه اجروح مكشوفه وفيه اجروح مخفيه
ياليتك مادخلت بمنتخبنا ياسعيد اغراب = ولا شاركت في هاك البطولات الخليجيه