هلا يامرحبابك يالرشيدي واثني الترحيب =عتيبي" يرحب عن عتابه واسر ياساري
توكلنا على الله سرها فالليل مسرى الذيب =ترى مسرى الغداري للذيابه واسر ياساري

يدوم الك البقا00والطيب ميزة في رجال الطيب=وأنا عن عبس أبقي بالنيابه00وإسر ياساري
توكلنا على الله يالعتيبي 00والنصيب يصيب=ترا ما كتب للمخلوق صابه00واسر ياساري

انا عندي يقين ولا لحقني فيك شك وريب=لامن خنذف ولا انته من شبابه واسر ياساري
ترى الجندي ليامنه كتب في مركز التدريب= على قد عمله ياخذ حسابه واسر ياساري

المشاركة الأصلية كتبت بواسطة الفالح اسف على التاخير انا عندي يقين ولا لحقني فيك شك وريب=لامن خنذف ولا انته من شبابه واسر ياساري ترى الجندي ليامنه كتب في مركز التدريب= على قد عمله ياخذ حسابه واسر ياساري

وأنا ماقول فيكم ياشبابه ياخناذف عيب=ولكن التحالف للعصابه واسر ياساري
أنا ظابط00جنود المركزآسحب بهم تسحيب= كذا واللي زعل يشعب ركابه واسر ياساري

قبايل وإتحالف مع بعضها واترك التعقيب=ليا يومك هذاه الهم مهابه واسر ياساري
لا والله غير جندي" يباله بالعصا تاديب=رشيدي عاد وش حضرة جنابه واسر ياساري

تحالف يعني إن السالفة تركيب في تركيب=ولا فيها على العاجز غرابه واسر ياساري
الا يالفالح افلح قبل لـ أصدر فيك أمر تعذيب= رشيدي حضرته من روس لابه واسر ياساري