من هجوس الشاعر الي ماتشين طبوعه=ياسلام الله سلامٍ بالوفاء نبدابه
الحبال الي توصل ماهي بمقطوعه=والرجل لامن صبر ربي يعوض اتعابه

مرحبا في مرحبا ترحيبة متبوعه =بالوفا والطيب وانته من كبار عتابه
الصبر للمتقي زادِ يقلل جوعه=والاسود ملوك يانايف بوسط الغابه

والبقاء يلي ترحب ردتن مرجوعه=ياحفيد الابه الي للعدو حرابه
والله انٌ تابعين السنه المشروعه=والصقر لا ماتعشى غير من مخلابه

ارسم الخطه وهات العلم من ينبوعه=لاتجيب الجابه اللي ماتسد الجابه
والله ونعمين بك بس الخبر وش نوعه=ياعزيزِ دوب جانا عقب طال غيابه

ضاق صدري عقب شفت النشره المطبوعه= من ديارن للمشاكل والفتن جلابه
شد حيلك ياصحيبي وادخل الموسوعه=كل غارن ملتوي نبغاك تذبح دابه

السفير اللي تقوله لوّ يلحس كوعه=مايقف في ماقفه لو كلّفوه اصحابه
كل جنديّ ِلشخصي رافعِ قبوعه=وان عصاني حالفِ باللّه لشق اثيابه

تدري انٌ ماحسبناله وكل جموعه=دام سيف الحق معنا ماسكين نصابه
الضروس ان سوست لابدها مقلوعه=من قديم الوقت نفشل لعبت العابه

خصمنا ماينفعه جمعه وكثر دروعه=ماحسبناله ودقنه ماحسبت حسابه
كم خصيمِ من فعايلنا تهل دموعه=مير ساد الامن واليومه يمس اشنابه

شاعر الروقه ليا غنا بيوته روعه=كل بيتن جزل وسط المنتدى غنابه

المشاركة الأصلية كتبت بواسطة نايف الحميدي ضاق صدري عقب شفت النشره المطبوعه= من ديارن للمشاكل والفتن جلابه