مرحبا بالشاعر اللي عن هذيل مفوّه=سلّموه الرايه وصارت ماهي مرفوعه..
يالهذيلي مابقي لهذيل جيش وقوّه=فالجبال اللي دهر واشجارها مقطوعه

البقا ياللي تنادي تو ليلك توه = لد عينه فالغني والرجل حده جوعه
أنت متحدث وأشوفك بالغلط متفوه = مع هذيل المعتدي يتعب ويلحس كوعه

انتبه بيتك تجيبه يالزميل مشوّه=لاتجيب الاّ البيوت اللي ياماجد روعه
ياخويّ عتيبه اصحى لا تضيع الخوّه=من يبى يعاند عتيبه يهشمون ضلوعه

لا توصيني وسو اللي تقوله سوّه = والبيوت النادره فالمنتدى مطبوعه
أنت لا تجهل ولا فينا قليل مروّه = وإن تعاندنا تروح رقابكم مقطوعه

ياهذيل اتريككم غلّق وطفّى ضوّه=وصارت الهذلان من بعد انطفى مفجوعه
وانت ياماجد ترانا ناخذك تلهوّه=لا تطب الحرب وانته ماتعرف دروعه

يالعتيبي نارنا نارا ً وضوك ضوّه = قبل تسري في ظلام وليل بان خشوعه
أختلف جوك وماجد ما تغير جوّه = وأنت واحد لو أبا ألعبك تجي مجموعه

ناركم تحت السحاب اللي يروّع نوّه=ولا تذرّيكم هذيك الخيمه المربوعه!!
وانت لوما الحقك ياماجد بعرق عنوّه=تسري الليله سنونك كُلّها مقلوعه!!

من قدرته يا مناحي بالغوايه غوّه = بيتك اللي تحت سطح الأرض فايق نوعه
منت عاني وأنت فاني فيه نسف عبوّه = رحمة الله من ديار المعتدي منزوعه