![]() |
استفسار عن عائلة الضحيان
ا لسلام عليكم ورحمة الله .
اخواني حبيت استفسر عن عائلة الضحيان في مدينة القصيم في قرية الشقه . اعتقد انهم اساعده من الروقه . وحبيت اعرف اكثر عنهم شوي . واتمنى الرد العاجل ولكم اطيب تحيه .. اخوكم صالح الحصان . |
الاخ الكريم صالح الحصان
وهل لك ان تخبرنا عن عائلتك الكريمه من اي القبائل ؟ |
آل ضحيان في الشقة القريبة من بريدة
من ذرية ضحيان بن غنام الصقري الملقب بالمومي لانه كان يومي للضيوف من بعيد كي يضيفوا عنده وغنام الصقري جاء الى الشقة من بقعاء وهو بالاصل من آل واكد من ذرية سعد بن حتيرش الاسعدي ( المشهور ) |
الضحيان معروفين اساعدة روقه
وعلى فكرة اذا لقيت عتيبي متحضر( يعني من اسرة قديمة التحضر ) ولاتدري من أي عتيبة قل اسعدي من آل راشد تطلع اجابتك صحيحة بنسبة 99% ;) |
بيان عن أسرة الضحيان
أسرة الضحيان انحدرت من بقعاء إلى القصيم وهم من ذرية واكد بن مفلح ولهم منخاة معروفة عندنا وهي ( إخوة ضحية ) بسكون الضاد وفتح الحاء مخففة ثم ياء مشددة ثم تاء مربوطة ، ولهم قليب معروف إلى اليوم في بقعاء ، حول مكان يسمى قعبة بريكة ، وأقرب حمايل الواكد للضحيان هم حمولة الطلاع الموجودون الآن في بقعاء ( طلاع الواكد ) وليسوا طلاع الرشدان ،
|
الف شكر للجميع على التعقيب
على الحصان اخوي الحصان انت منين ومن اي القبايل جزاك الله خير وبالنسبه للضحيااااااااان ،،،، مايبيلهم تعريف من احد انت بنفسك عرفت من عرض سؤالك وجاوبت على نفسك ، ولكن للأفاده لامانع نعطيك قليل من تعريف بالضحيااااان ، الضحيان طبعا مقصروا عيال العم وضحولك الضحيان هم احفاد ضحيااااااااااااااااااان اااااااااااالمومي ( وهذا ذكر في كتاب الالقاب في جزيرة العرب ) اللقب الثاني للشيخ المومي ( ذباح الأوصط ) من السواني لاحد ضيوفه ويقال ان من احد شيوخ الشمال من مشايخ عنزه ,,او شمر وكان في منطقة ابلق الضحياااااااااااان وهم من كبار الاساعده من روق وروق من عتيبه وعتيبه بحر يالحصان وهم متواجدين بين الرياض والقصيم واعتقد ان الشااااااااعر الكبير حمد الأسعدي صاحب قصيدة الاساعده التى قيلت بالمؤلف مثيب (الله لايجزاك بالخير شيبه +++ عرضتني قيضيتن مالها اضلال ) هو من الضحيااااااااان وهو من احفاد الشيخ ضحيان المومي رحمه الله ،،،،، وهي عائله مشهوره ولها مكانتها بين القبائل النجديه وقبائل الشمال ومايحتاج يالحصان نشرحلك وحنا ماندري عن خطك وشنهو هو رقعه ولا كوفي!!!!!!!!!!!! تحياااااااااااتي للجميع عفااااااااااااااار الأسعدي |
الاخ عفار الاسعدي
هل لك لو سمحت تزودنا بالقصيده كامله التي ذكرت بيت منها . ؟ ولك الشكر .. |
ابشر اخوي النمر اباحاول اني اتحصل على نسخه منها
انشالله واهديها لمنتدى الهيلا ،،،،،،،، قريبا تحيااااااااتي للجميع |
اقتباس:
|
الله لايجزاك بالخير شيبه +++ عرضتني قيضيتن مالها اضلال
مشيتني درب السمايم غصيبة +++حديتني للغيظ في بدع الامثال الدرب الاقشر والخطاء وش تبيبه +++ بين اللحم والعظم سويت مدخال بانت علومك بالعلوم العجيبة +++ خلك تبين لو تخفيت بجلال حنا مراكزنا برأس الجذيبة +++ ولنا على روس الشواهيق منزال اساعدة من روق فزعة عتيبة +++ الورع منا عن ثلاثين رجال محدنا تهقوانا واخذها غليبة +++ الله مصلطنا على كل من عال ما نلتفت فالناقصة والعطيبة +++ ولا تعودنا البكاء عند الاطلال حقوقنا ما ضاع منها غصيبة +++ أخذوا قضاها غصب ذربين الافعال منهم سعد * سقم العداء نعتزيبه +++ زبن الدخيل معدل الخصم لا مال هذا الي حافظه من هذه القصيدة الرائعة وسامحونا على القصور --------------------------------------------------------------- * المقصود بسعد هو سعد بن حتيرش من أحد أجداد الشاعر |
اساعدة من روق للشاعر حمد الاسعدي
-------------------------------------------------------------------------------- الله لا يجـزاك بالخـير شيبـــــــــه *** عرضتني قيضية مابها ظــــــــــلال مشيتني درب السمايم غصيـبـــــه** حديتني للغيض في بدع الأمثـــــــال الدرب ألاقشر والخطأ وشتبيبـــــه ** بين اللحم والعظم سويت مد خـــــــال بانت علومك بالعلوم العجـــيبـــــه ** غلك تبين لو تخفيت بجـــــــــــــــلال دورت لك عذر بما تدعيبــــــــــه ** والله ما حصلت لك عشر مثقـــــال ياهـن مالك من ورانا طلــيبـــــه ** لانتب ولد عم ولانتب ولد خـــــــــال حـنا مواكرنا براس الجذيبــــــــه ** واللنا على روس الشواهيق منـزال أساعده من روق فزعة عتيبـــــه ** الورع منا عن ثلاثين رجــــــــــــــال ماحدنً تهـقوانا واخذها غليبـــــه ** الله مسلطنا على كل من عــــــــــــال مانلتفت فالناقصه والعطـــيبــــــه ** ولاتعودنا البكاء عند الأطـــــــــــــلال حقوقنا ماضاع منها سبـيبــــــــه ** اخذوا قضاهم غصب ذربين الافعـــال ميقافنا بيّن وكــلن دريــبـــــــــه ** على النضاء والخيل وعلومٍٍ اجـــزال اجدادنا يوم الليال العصيبــــــــــه ** يزبنهم الخايف ويامن ويختـــــــــال يذري ذراهم بين قدرن وهيبـــــه ** بنوّ منازلهم على نايف الجـــــــــــــال منهم سعد سقم العداء نعتزيــــبه ** زبن الدخل معّدل الخصم لا مـــــــــال ابن حتيرش يوم الانفس غضيبه ** سعد سعد من لاذ به عن لضى الـلال مع شايع الامسح وقف للمصيبه ** ماصد عن نخوة كريمين الاسبـــــــال تزبّنه شايع وخيب طليبــــــــــه ** امن دخيله من رياجيل و اهـــــــوال يوم اليالي شحاح ما ينصخي به ** والمومي ضحيان للضيف مدهــــــال ناره بعيد الدار يمه تجيبــــــــــه ** الــلي على ابلق شاع صيته ولا زال ذباح الاوسط من غوالي نصيبه ** ارخص حلاله واتبع الفال بعقــــــال تاريخ ماتقدر بذمك تذيبــــــــــه ** اوضح من الشعله على روس الاقذال يوم الكرم من قل نفسه تطيبـــه ** يالله عسا له جنة الخـــــلد منزال ويوم انك لحالك سوات الذهيبه ** ذروك عن لفح الهبايب و الامحال سموك بسم الطايلات العريبـــــه ** ولاعاد تبغى لأسمك العـــــام دلال والناس تدري كيف جات الكسيبه ** واللي لبس له بشت وثيـــابه اسمــال مثيب ماسرح علوم تثيبــــــــــــه ** اختل تفكيره و ضـــــــواله هبــــــال ولاهي على مثله وجنسه غريبه ** اللي بليا ســــــــاس لا بد ينهــــــال قالوا انه لافين كالربيبــــــــــــه ** وحطوه من ضمن العرب واثره احثال فيحان بشعاره نسبك لزبيبـــــــه ** بثبات من راع المثايل بعد قــــال يوم ادركوه بمدركه وابتلي بــــه ** اللي تعلق في عبيـــان بحبـــــال خيبت تعب ماورثت غير خيبــــه ** ومن التويبع ما بعد وادين ســــال افتى بليا علم واردى نصيبـــــــه ** يبحث عن الشهره على شين الاعمال مافاد خير ولاحسب للمعيبــــــــه ** عفن العباة اللي سمعتوا با لأمثال ولا كل ليل تامنه ينسريبـــــــــــه ** و لا كل عقده يالمعيدي بحــــــلال والرجل منطوقه يعرفك غيبـــــــه ** هذا مثل ناتج تجاريب الأجيـال وكل على ما فاد ربي حسيبــــــــه ** واستغفر الله عن ذنوبي والأقـــوال |
يعطيك العافية اخوي ضحيان
وصح لسان شاعر الاساعدة أخونا حمد الاسعدي |
الشكر الجزيل للأخ ضحيان وكثر الله من امثالك والشكر للجميع على هذا التفاعل وللأستاذ راعي صبحا .
|
الشكر الجزيل للاخوان - عفار الاسعدي - وراعي صبحا - وضحيان .
والشكر موصول لمشرفنا الوليد الاسعدي. وصح لسان الشاعر حمد الاسعدي. وتحياتي لجميع المشاركين . |
قصيده جميلة لحمد الضحيان الأسعدي أبرز شعراء قبيلة الأساعده في هذا الوقت .
أعجبني هذا البيت : فيحان بشعاره نسبك لزبيبـــــــه ** بثبات من راع المثايل بعد قــــال والمقصود بفيحان هو فيحان بن غيلان الزعتر , وهو الذي رد على خرافات المدعو ( مثيب ) بقصيدة لاتنسى . تحياتي لعموم أخواني الأساعده في هذا المنتدى . |
الخبرهذا اكيد ان الضحيان في القصيم فقط
|
لا هنت على القصيده الطيبه حقيقه شاعر مبدع بمعنى الكلمه الله يوفق الجميع انشاءالله
محمد الصقري الاسعدي |
بيض الله وجيهكم ياعيال العم
وصح لسان حمد الضحيان الاسعدي ويسلمن ايديك يااخونا ضحيان اخوكم محمد الواتسد الاسعدي الروقي العتيبي |
الساعة الآن »11:35 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd