هلا يامرحبا رديّةٍ تمشي على ماريد = تخص الصاحب اللي فالاوادم مانبي غيره
عسى الله لايوفق من سعى بالبطش والتهديد = نهج نهج الضلال وصار من جرف ٍ لدحديره

صحيح انا بوقت ٍ شاب من بلواه كل وليد = وراع الشر في وجهه تبيّن لك تعابيره
يقولون الجمل يربع بقيده مايرده قيد = وعزمه بزدياد وماتوقف عن مشاويره

ترى منهج رسول الله واضح ماش به تعقيد = ومن خالف طريقه ما احد ٍ قابل معاذيره
بلشنا بهيّة التصدير مادري هيّة التوريد = وهذا شي يحزن كل واحد داخله غيره

هذا شيّ ٍ مؤكد يامحمد مايبي تأكيد = تمكن فالقلوب من اصعب الحاجات تغييره
ولكن فيه علّه فالبطن عيّا العلاج يفيد = نبي دكتور يشرح وش سببها في تقاريره