مده يعيش الشخص غارق بالأحلام=يأمل عساه الحلم يصبح حقيقه
بالحلم والاوهام حطم للارقام=ما تفرقه بالثانيه والدقيقه
وتمضي عليه ايام وشهور واعوام=طامع ويسبح بالبحور العميقه
وإذا تجلى عنه كابوس الاوهام=وراح السراب اللي يغره بريقه
صارت علومه مرمسه طي الايام=حلمه تبدد والصبر ما يطيقه
تشتت أفكاره ويبدا التندام=ويصفّق بكفه والصدر فيه ضيقه
هذا جداه وحيلته عض الابهام=تزايد همومه وضيع طريقه
حاله خطيره بأقيٍٍ دم وعظام=وخطراً عليه بيوم يشرق بريقه
هاذي نهاية واحدٍ عاش بأحلام=واللي جناه من السنين السحيقه

المشاركة الأصلية كتبت بواسطة طويل الذراع صح لسانك ولسان الشاعر تقبل تحياتي

المشاركة الأصلية كتبت بواسطة وليد الزراقي اخي ابن نعيس صح السانك ولسان راعيها مشـــــــــــــــــــكور تحياتي

المشاركة الأصلية كتبت بواسطة النويري صح لسانك يابن نعيس وصح لسان شاعرها الزميل : موسم القثامي وهو من شعراء الجزل الرائعين وتشرفت بمتابعته من خلال صحيفة الرياض عندما كنت انشر فيها واسعدني بحل احد الغازي قبل سنيتين ولاهنت يابن نعيس مره ثانيه تحياتي وتقديري