يا مرحبا بك بعد ما جيت يا نايف ومريت = مدري غيابك خوف وألا معك فالقلب عله
ناداك من ناداك وألا أنت مريت وتعديت = والأمر ما يصعب علينا ليا جينا نحله

دام البقاء ياشاعر هذيل طيٌب ماترديت=واليا حضرت الدرب الابيض عسى عينك تدله
انته تقوله مير قلي ياماجد ويش سويت=عانك على حطت يديني وريقك ماتبله

ياللي تعرف البيض السود فالأيام حييت = لا كن دمع العين بالله حذرى لا تهله
عن لازمك يا صاحبي قول لي وشبك تحاديت = في منزلي كم شاعر ٍ لو تعنا ما وصل له

انا من الهذلان كمٍ تعشيت وتغديت=ولاانت قلبك محترق محترق من زود غله
الياهدمت البيت حنا ترى مانهدم البيت=حامين بيت العز والطيب يامجود كله

المشاركة الأصلية كتبت بواسطة نايف الحميدي انا من الهذلان كمٍ تعشيت وتغديت=ولاانت قلبك محترق محترق من زود غله الياهدمت البيت حنا ترى مانهدم البيت=حامين بيت العز والطيب يامجود كله

ودوك عند هذيل لاكن باقي ما تشافيت = يالفارس اللي تعرف السيف سل السيف سله
أتصيب وتخيب وتعدى وجبت العلم وأخطيت = نايف ليا منه وقف يا فجعه راسه وظله

انا احمد الله عن لزومي ياماجد ماتخليت=والاانت من فوقك تطيح النجوم المستهله
انا نشدت وقالو انك شجيعٍ لاتاكيت=امن الشجاعه تاكل الداب دايم ماتمله