مادام تقدح فالملاقا زنودي=نادولي الشاعر المسعودي
ماترحم ذياب يامجودي=ماضاع حقٍ من وراه مطالب

حاضر (سهيل) دايم و(الجدي) مايغيب=مير باق النجوم البيض ماشوفها
وأن شرهنا على حضرت جناب (الطبيب)=مانناظر جلوس القوم و وقوفها

لو تعجبت قالوا كيف وأنته غريب = كيف أقدم لقوم الطيب معروفها
فالطبيب الطبيب يحوم شك ٍ وريب = وأكثر الناس يغلب طبعها خوفها

أسمك يشرف ماش حولك شكه=وانت أهذلي(ن) من ضواحي مكه
ودك تخارج ماش حولك فكه=ما ضاع حق ٍ من وراه مطالب

أنت واحد من أهل البيت عاقل وأديب=والعرب عزها من عزت أضيوفها
ياتكد الجمال اللي تدير الركيب=يايوقف علاها كل مصروفها

أنت ذيب ٍوضيف الذيب يا ذيب ذيب = والآوادم تعدت كامل ظروفها
أضربوا فوقهم يا أصحابنا بالصليب = فيه ناس ٍ تبا مده بمزروفها

أنا أدري أنك بالغشش متمرس=لكن أنا فالحياه أمدرس
أطلع على ظلم ولا مع الرس=ما ضاع حق ٍ من وراه مطالب

أنت ذيب(ن) مع المعنا يودي يجيب=روعته المعاني ماخطر أوصوفها
فيه غير الجمال أجمال والله رقيب=تدحم أجمال بعض الناس بكتوفها

لو مرة تصيب أمرار شكلك تخيب = أقرب القوم حاذفها ومحذوفها
منت قاطع من الأجواد حظ ونصيب = والرساله توقع تكثر حروفها

المشاركة الأصلية كتبت بواسطة ماجد الهذلي لو مرة تصيب أمرار شكلك تخيب = أقرب القوم حاذفها ومحذوفها منت قاطع من الأجواد حظ ونصيب = والرساله توقع تكثر حروفها