يا الله يلي تعلم السر والغيب= ياخالق الانسان تعلم بخافيه
فكرت في الدنيا ولاها تعاجيب= وقت الترف الله يكافي بلاويه
اخذت من وقتي دروس وتجاريب = وقولآ بليا فعل مانستمع فيه
يازاحم ابوصيك خلك كم الذئب= والاش يازاحم حذارى تخاويه
وليا لفاك الظيف زيد التراحيب= وحلو النبا لو ماحصل زاد يقريه
والرجل في ثنتين مايلحقه عيب= اليا احتزم من دون جاره وعانيه
اشره على اللي يعرفون المواجيب= والا الخبل مالي عليهم مشاريه
ومن لايجازي راعي الطيب بالطيب= عساه يفقد شوفه اللي يقديه
البني مايصلح على غارترتيب= والرجل ماله عزوه الا عزاويه
ومن لايحقق في شبابه مطاليب =لاشاب لو وده تغره هقاويه
ماعاد يقدر لاغدا عارضه شيب= نوبن يخم الدرب وحيان يخطيه
يلومني خالي من الفكر والجيب= خبلن لياشفته يحكحك علابيه
والصقر ميكاره بعال المراقيب= لكن من لايعرف الصقر يشويه