المشاركة الأصلية كتبت بواسطة محيّل الثنيه يامناحي يالهذيلي ياشياطين البريه=لاتحوسون الديار ولاتحلون الاداره خابرٍ مرزوق رجلٍ من رياجيل الحميه=لوهرجتوا لو سكتوا ماتغير عن قراره

يا محيل أنته علامك تجزي الحسنه بسيه = في يمين الدرب مدري وش حذف بك في يساره
المطوع يالمطوع ما يدق السمسميه = والقرار اللي تقوله غــّــيره وألغى الوزاره

طبعنا طبع الرجال ولا عليك ولا عليه = وإن نويناكم بنيه رحت لو نشن غاره
يا محيل أنته محيل اليوم يا محيل الثنية= من يشب النار منته سالم ٍ فالوقت ناره

طيع شوري وأنت عاقل طيعني كب الأذيه = ولا تشاور غير رجال ٍ يجيب الإستشاره
أعرف إن النارطول الوقت تبقى نار حية = لا تدور للماكسب وأنت عايش في خسارة

منت عارف غير حرف ٍ واحد ٍ فالأبجدية = لو تعمر كان ما يمديك مستأجر عماره
التجاره لأهلها يا محيل ماهي دودحيه = لا تعلم صنعة النجار لأصحاب النجاره

النجاره خبرتك ياهيه ماقلت لك شيه=والتجاره خبرةٍ لي والتجاره بالشطاره
لاتكلع ياملكع وضربك ضربه قويه=وخلنا في علمنا والحر يفهم بالاشاره

أنت ما جبت الشطاره لو نبا نكويك كيه = صرت مثل المتر اللي ما عرفت إله أستماره
إن مسكنا واحد ٍ مثلك بمسكة مخلبية = صار ضايع ما يبا يعرف دياري من دياره

يا عتابه لو تودونه على أقرب صيدلية = قبل لا يرمي بنفسه ثم نبلى بإنتحاره
جيت للمشوار لأبو زيد في روحه وجيه = حرت لين أحترت وأخذت لك لفه وأستداره

ما بقا لك حيل حيل ولا بقا لك مقدريه = طيعني كب الغنى والغطرفه يا أبو ذعاره
رحت وأنه ما تعرف تهوش وألا تجيب هيه = طير يا طير الكناري ما نبا شره وخاره

ذوق سم الداب وأرجع لليال الأوليه = وأنت ما تآخذ معي يا صاحبي شرب السجاره
لا تلوم الشعروأنته ذمتك ماهي بريه = جعلك بقناص رميه ما يروح عن الوباره

لك مثلها يا محيل

علتك علة خفى وأمرار علة خارجيه = بطنك اللي ما تبا تعرف خضاره من حماره
يالعتيبي بعد مطلق راحت ديارك سنيه = سم بالرحمان وألا أرم راسك بالحجاره

أنت ياللي بين سوق المدعى والجودريه = لو تستر كل يوم أيام ما تلقى ستاره
أنت وصي دام أنا حافظ وداري بالوصيه = وأعرف اللي ما نجح قدام لا حط أختباره