يامرحبا ترحيبةٍ تضفي على كل الجميع = ترحيبةٍ ياطيبها من طيب من حصنه منيع
والليل ابى العب مع هذيل اللي لها صدرٍ وسيع = فوق البسيطه ضاع قبر آدم على ذريته

قربو قربو هالليل ليل = مع رجال لها مقدارها
الجمل كل حملٍ له يشيل = والفتايل قدحنا نارها

يا عتابه ترى ربعي هذيل = شرها ما يسابق خارها
سير والدرب والممشى طويل = وأعرف طوالها وقصارها

ياالشاعر اللي وسموك بوسم وسم المنتخب = أعرف ترى درب المعالي ينتصب فيه التعب
لكن هذا الليل باخذ منك وسمك فاللعب = فوق البسيطه ضاع قبر آدم على ذريته

نعم يلي كسبتوها جميل = قدمك اللي طويل جدارها
انت قدامك الجرف المهيل = كيف رجلك على معبارها

من كثير السوالف والقليل = كل قوم ٍ نجيب أخبارها
منت صانع لنفسك مستحيل= والجنايز لها قبارها

بعض التعب ياصاحبي ماله خلف ماله خلف = لكن دور فالطريق اللي عليه اقرب ملف
اللولوه والدر جوف البحر تخرج من صدف = فوق البسيطه ضاع قبر آدم على ذريته

السحابه مسايلها تسيل = شالت أحجارها واشجارها
يشهد الجدي صدق له سهيل = عن فعايل طوال اشبارها

لو عيونك تخيل اللي تخيل = طايره شالها طيارها
كيل ياللي تكيل وتستكيل = مرجع صغارها لكبارها

المرجلة قسم الرجال اللي تضد ولاتضَد = وليا نظرت النظره اللي من قريب ومن بعد
وان كان تبغى الصدق يالهذلي ترى ماحدٍ جحد = فوق البسيطه ضاع قبر آدم على ذريته

اقعد وقيّل بظل المقيل = والسفينه لها بحارها
خيل خيلٍ وخيلٍ ماهي خيل = لين يعلو عجاج اغبارها

يا جمل منت داري وش تسيل = حملة ٍ غصب ما تختارها
ويلك إليا رفعت الصوت ويل= السوالف عليك آثارها

أنا ليامني طلبت آصل وحقق مطلبي = بعض المطالب ياوسيع العرف مامنها نبي
منته بخير الخلق منته لارسول ولانبي = فوق البسيطه ضاع قبر آدم على ذريته

الجمل لابرك شال الثقيل = والعرب تاخذه بسفارها
ويش ويلي من اللي ماش حيل = كل عبره لها معبارها