ازهموا راس حربه جعل عمره مديد = كان عاده يحب الشعر والملعبه
لاتنشد ترى ماكل عيدبعيد = ماخبر بيننا مطرب ولا مطربه

راس حربه هنيّا جعل عمرك سعيد=والبحر يركبه لو كنت ما تركبه
كل ما نرسل المرسول عبر البريد=لا تجاوب بهز الراس والا رقبه

ياجعل دارك قريب ودارغيرك بعيد=غير انتبه للكلام اللي تقول انتبه
ارسله ياوسيع المعرفه من جديد = قبل لايتعب وتتعب يده واركبه

المشاركة الأصلية كتبت بواسطة محمدراشد ياجعل دارك قريب ودارغيرك بعيد=غير انتبه للكلام اللي تقول انتبه

كانك انته مجاور زيد والا عبيد=لا تجيب الكلام اللي يبا يغضبه
واحده كلمة الرجال لا ما يعيد=وانت لو تسمع المرسول ما تندبه

خنجر ذياب موجوده وسيف الوليد = من تحاكا نقصر لحيته واشنبه
عندكم ياعتيبه صيد ماهو ب صيد = وانت ياراس حربه قدك مع الاجنبه

.
..

شال سيف الخشب ويقول سيف الحديد=يا قصير اليدين الجمر لا تقربه
منت لعتيبه الهيلا بضد ونديد=مير حذرا كلام الحق لا تقلبه

انت ياما حصل لك شي ولا بليد = مابقا الا نحط السم وانت اشربه
راجع العصر الاول وتعرف ياوليد = اتعجب وهذا الوقت يامعجبه

وانت يا عاقل المره مقيد بقيد=قلت تيس العرب ويقول انا بحلبه
في قديم وجديد اعطيك علم(ن) وكيد=راس حربه يشب النار وانت حطبه