يحول اظـن الحـق جتنـى طروشـة=جتنى مطاليبـة وانـا عنـه منحـاش
اليـوم كـن بداخـل الجـوف هوشـة=مثل اختراش الزلم فى داخلـي جـاش
ياللة عسـا عفـوك ولطفـك نحوشـة=يالله بحسـن الخاتمـة عنـد الاقـراش
دنيـاك لوتعطيـك زيـن المعـوشـة=تالـى دعاويهـا تعـود علـى مـاش
يامـا خذينـا بـاول العمـر شوشـة=وياما مشينا مـع مضاهيـر وادبـاش
فـى خايـع وبـل الثريـا رشـوشـة=نجنى الزبيدى فى صحاصيح ودشـاش
وياما جلسنا مـع مـرودع رقوشـة= .فـى سهلـة ماحدرنـا زل وافـراش
فى وسط روض مخضـرات خفوشـة=نبتة جديـد ومبعديـن عـن الطـاش
خلـى يكلمـنـى بنـفـس هشـوشـة=بس العجوب وعرضة انظف من الشاش
نبـنـوب لاخبـلـة ولا بمخـروشـة=عنـق الغـزال مذيـرة زول حشـاش
لاشك من طـول الغيـاب محشوشـة=تونس معاليـق مـن الهجّـر عطـاش
اسرار فى وسـط القلـوب مخشوشـة=بيـن الثنيـن ولادرى عنهـم الـواش
ربعـت وفـا والا السلـب مانحوشـة=مانى لوجـة معـذب الحـب خمـاش
واليوم مالى مع هل الصيـد نوشـة .=عطيتهـا غيـرى بـلا غيـر ببـلاش
عند الطبيب وصـار عنـدى وحوشـة=ومن الاقامة صابنى خـوف واخـراش
هالحين شفنـى نايـم عقـب دوشـة.=اصلب عظامى وكن بالحيـل هشهـاش
خليـت ديوانـى وبيـتـى وحـوشـة=اليـوم شفنـى ساكـن دار الانـعـاش

واليوم مالى مع هل الصيـد نوشـة=عطيتهـا غيـرى بـلا غيـر ببـلاش
عند الطبيب وصـار عنـدى وحوشـة=ومن الاقامة صابنى خـوف واخـراش
هالحين شفنـى نايـم عقـب دوشـة=اصلب عظامى وكن بالحيـل هشهـاش

المشاركة الأصلية كتبت بواسطة المبتدي تسلم يمناك يابن نعيس كما عودتنا دائماً على حسن الاختيار وهذه القصيده للشاعر الكبير المرحوم بأذن الله مرشد البذالي تقبل تحيات تـــــــــــــــــــــي

المشاركة الأصلية كتبت بواسطة مشعل صلف واليوم مالى مع هل الصيـد نوشـة=عطيتهـا غيـرى بـلا غيـر ببـلاش عند الطبيب وصـار عنـدى وحوشـة=ومن الاقامة صابنى خـوف واخـراش هالحين شفنـى نايـم عقـب دوشـة=اصلب عظامى وكن بالحيـل هشهـاش أخي الغالي .. ابن نعيس . تسلم يمنك على المنقول الرائع يارائع . وصح لسان الشاعر . تقبلوا تحيتي العطره . ودمتم بخير .

المشاركة الأصلية كتبت بواسطة وليد الزراقي سالم وغانم تشكر على النقل تحياتي