راس حربه نباه الليل فالملعبه = حتى تكمل ليال الخير واتمها
خابره مكسبه للي يبى يكسبه = واكثر الناس هذا الشي ماهمّها

راس حربه طروق الشعر ما تتعبه=يوم بعض الرجال تموت في غمها
ويش سم الشراب اللي تبا تشربه=كاس حالي وكاس الموت من سمها

البحر ياوسيع العرف من يقربه = لاتعوم البحور ويغرقك جمها
لو اعرفك تجيبه كاني ابا طلبه = مار هذي وصاتي كانك تضمها

خضت كل الحروب وصعبها نركبه=يوم تسبح رجال القوم في دمها
لا انت عنتر ولا انت اللي تقارب شبه=لا تجيب العلوم ولا انته ابيمها

نعم لكن من يظهر لنا ندبه = لاتحسب الحرايب باردٍ حمّها
اناخابره والحينه يلو شنبه = مار بعض العرب ماودك ابذمها

داهية عتيبة

مرورك ومتابعتك
تزيد من العطاء

:)

ما ذكر فيه راس وعاش دون رقبه=لا تجيب الهروج الكذب ملتمها
قبل قول الكلام وقبل ما تكتبه=لا تشيل الحمول وزايدن كمها

احذر احذر وذيب الضلع في مرقبه = واعرف انه ليا من خمها خمها
كل حملٍ وله ياصاحبي منكبه = والحموله على ظهرك وتزتمها

:)

صح .. لكن راس الذيب مثل ذنبه=والفريسه يموت بجوع لو شمها
شال ريشه وطاح الورع فوق ركبه=والحمول الثقيله شالها عمها