سلام ردة وفا من شاعر (ن) بالطيب ممشاه = تنصا مناحي عريب الساس والرجل المثالي
الشعر لاصار مايطرب له اللي قام يقراه = ماودّك انه على الساحه يبين ولايقالي

يامرحبا في محلً يطرب الخاطر ليا جاه=مايجمع الا الرجال الّلي تقدّرها الرجالي..
الشعر كنّا نحبّه.. مير تال الوقت عفناه=الناس من حيد ياللطام فالمكتب تلالي..

دام البقابك وكل ٍ عارف ٍ قدره ومبداه = من طب سوق الغلا يحسب حساب لكل غالي
اللي تقوله صحيح وكلنا بالعين شفناه = يالله يالله تصلح حالها في كل حالي

الدنمركي بفضل الله منتوجه قطعناه=واللي بخمسين صار اليوم مايسوى ريالي
لن شفت لك واحدن مجنون قول الحمد لِلاه=واليا نقز فيك هات الخيزرانه والحبالي