ياعتابه منتداكم زوّد الله نوره=مير ياعتابه ترى فيه هذلي مفقودي
دورو له ياعتابه لجل ذيك الصوره=صورة امير الشعر عبدالله المسعودي!!

يا عتابه منتداكم صار مجلس شوره = أستخيروا شاورا وأنا ترى موجودي
الشهاده جات قدام الطلب وحضوره = أبذل جهودك مع أهل العزم والمجهودي

البيوت اللي على صُمّ الحجر معموره=اهلها العتبان وانتم ماعلاكم زودي
ولالك الاكلمتين قصيّره مقصوره=للرجال شهود وفعول الرجال شهودي

والنعم فيكم وفينا سيرة ٍ مذكوره = فعلكم وأفعالنا وأجدودكم وجدودي
البحر يا صاحبي ما غلقه نافوره !=لو زادة فالطلب موج البحور تزودي

ويش باقي في جبال الديره المدهوره=لاش براق ً يلوح ولاش حس رعودي
مير من بحر الشعيّبه مدّالك ماصوره=لا تموت هذيل في رؤوس الجبال السودي

الرجال أهل الوفا لأهل الوفا مذخوره = وأنت لو تمشي ترى حبل الشقى معقودي
الديار محدده والمملكة ممطوره = لو تبا تشرب من البحر الحمر وتعودي !!!

كنت جندي.. لين ركبنا لك الدبوره=ثم صرت تثور مثل الملح والبارودي..
لا تحسب ان المعاني مثل لعب الكوره=والجمل لاتقربه يالحاشي المفرودي

آخر سنين الدهر يا صاحبي مدهوره = وأنت لا تقرب ليا مني قدحت زنودي
ما قلطنا فوق زاد ٍ جيت تآكل سوره = وأنت لو تسير درب يا جمل مقعودي