سلام تسليمة وفى عند الرجال الطيبين=من هاجس الطفشان والدنيا كفى الله شرها
الشاعر اللي يدحم الشعار بالجنب المتين=يقرب من الميدان والدنيا كفى الله شرها

يامرحبا يا ذياب والمكتوب في صفح الجبين=في شوفها ينبان والدنيا كفى الله شرها
وراس حربه يحتميها باللسان وباليدين=عتبان مع عتبان والدنيا كفى الله شرها

لولاي أجر الصوت وأروح عن القلب الحزين=خطرن علي اجنان والدنيا كفا الله شرها
كلمتك هاذي لا حرام ولا حلال ولا يقين=يجوز مزح ألسان والدنيا كفا الله شرها

من بعد ليلى ما خذاها قيس وانت الفال شين=من حبها سهران والدنيا كفى الله شرها
اعطيك في يمناك لكنك تزيد الدين دين=يا مايل الميزان والدنيا كفى الله شرها

أنا ذبحني حبها ياراس حربه من سنين=تكشف لي الذرعان والدنيا كفا الله شرها
الفضل لله لا ضربنا من على القاسي يلين=تبشر بحد الزان والدنيا كفا الله شرها

لا تطرد المقفي وليلى دونها الحصن الحصين=مقفولة البيبان والدنيا كفى الله شرها
لا تنكر المعروف وتسوي سوات المجرمين=واضربك بالمليان والدنيا كفى الله شرها

المشاركة الأصلية كتبت بواسطة مرزوق العتيبي الصفوف الليله على حسابي .. :)

ليلى تبا شوف الشمالي من يسار ومن يمين=وذياب شوف اعيان والدنيا كفا الله شرها
ياراس حربه لا مشيت أمسك طريق المسلمين =حبتك والنيشان والدنيا كفا الله شرها

ليلى ترى معشوقها واحد ولا تعشق ثنين=يا عاشق العميان والدنيا كفى الله شرها
وراس حربه ماكره فوق الجبل صيده سمين=يا ساكن الوديان والدنيا كفى الله شرها

ليلى تراها فالبلد عشاقها حول أربعين=يافلان يابن فلان والدنيا كفا الله شرها
خابرك فالضلعان دايم والله المولا يعين=ياراعي الغيران والدنيا كفا الله شرها

المشاركة الأصلية كتبت بواسطة الفراهيدي صح لسانك ياذياب وصح لسانك ياراس حربه واصلواااااااا الابدااااااااع

المشاركة الأصلية كتبت بواسطة ابومشعاب يا سلام ياسلام ذياب وراس حربه صح لسانكم ولهنتوا ومتاااااابع وااااااااااااااصلوااااااااا ..

ليلى هواها قيس والدعوى ترى فيها كمين=لا تتبع الشيطان والدنيا كفى الله شرها
وانا ترى خابرك تتمرغ بعد في ماء وطين=كما تدين اتدان والدنيا كفى الله شرها

ليلى تراها الملعبه و ذياب أله قلب (ن) فطين=من وان تفهم وان والدنيا كفا الله شرها
واحد صفر مار أشهدوا لي يالرجال الحاضرين=أشتالها ذيبان والدنيا كفا الله شرها

ليلى تراها فالشرى والبيع بالسعر الثمين=وش حيلة الطفران والدنيا كفى الله شرها
مالك لوا يا ذياب والناتج نشوفه شوف عين=الذيب وسط الضان والدنيا كفى الله شرها

المشاركة الأصلية كتبت بواسطة شاعر روق ذياب وراس حربه مبدعين والله يعين ليلى علاكم امتحنتوها في عمرها ههههههههههههههههههه ابداع منقطع النظير تقديري لكم

المشاركة الأصلية كتبت بواسطة شاعر روق ذياب وراس حربه مبدعين والله يعين ليلى علاكم امتحنتوها في عمرها ههههههههههههههههههه ابداع منقطع النظير تقديري لكم