مليت من شبه الحكي والتباسه = وتعبت ادور لزحازيح.. منزاح
لكن بتبقى لرياسه..رياسه=حتى ولو برق المقفين مالاح
ماني كما الي للمولي حساسه=يموت عرقي وسط حلقي ..ولاصاح
اسمع كلامي يالمدنق..براسه=اتذكر اني قلتلك مر .. ياصاح
ياصاح يالي سم الأفعى بكاسه=اشربه .. علّه للمحاديب شرّاح
مادام عمرك تحت فيّة دناسه= وشهو يضرك لوّه السم زحّاح..؟!
لا تَعْجَب المنطق..وتترك لباسه=ادري تكلُّف .. لاكن الحق..فضّاح
ولا يغرِّك الملبس .. وتنسى قياسه=خلك على المقياس مدرك ورجّاح
لا شك مالك بالمعاني ..فراسه=انجيت نفسٍ ..و زهقت دونك ..ارواح
والي خلقني .. ما أحب الدساسه=ولا ماكتبت البيت ..ياكود..((إيضاح))
يالي تِخاير بين ..طاسه..وطاسه=اشربه علّه للمحاديب ..سفّاح..!