يا الموت كنك بالخليج إستقريت = أشوف صارت لك ديــاره محــطــات
من عام الأول وانت فينا تمثنيت = فبوظبي خليت فالقــلب حــســـرات
أخذت زايد راعي الطيب والصيت = وابكيتنا وابكــيـت شعــب إلإمــارات
خليتنا بفقده نجــر التناهـــيــت = أبوخليفه طيب الصــيــــت والــــذات
والعام عام الحزن يوم إنك أبكيت = عــمـّيــت حــزنك بالـفـضـا والمجرات
أخذت منــّـا فـهـْـد الإسلام واركيت = بقـلـوبنا من صالي الـــنــار جـمــرات
وشلون تاخذ خادم الدين والبيت = وأستغفر الله ليه شارون ما مات .؟؟
لامرحبا ً بك لا هلا لا أنت حييت = نـــدري بـهـــا إرادة بـديع السموات
ثم جيت لدبي الحبيبه ومديت = كفك وأخذت الشيخ راعي الجمالات
مكتوم بن مكتوم جيته وخليت = كل العيون بـْموته تـْـهل عــبــرات
ومن بعده بساعات يا الموت ماأبطيت = شفـتــك توجــهـــت المنامه بــلـحـظـــــات
في دار أبو سلمان من يوم ما جيت = أخذت فـيصل مـنــْـه في بضع ساعات
وشفت الكويت قريــّـبه ثم تعديت = منها خذيت أعـَـز وأغــلا الأمـانـــات
خذيت جابر شيخنا بس ياليت = إنك دريت شكبر حجم الـمـعـانـــات
خذيت جابر .. لاحشى اخذت الكويت = إي والله إنــّـا كــلــنــا مــثـل الأمــوات
خذيت جابر .. ياهنيـّـك تهنيت = اهــديـتـنا حـزنك .. واخــذت المسرات
تدري بربك بأرضنا ويش سويت = كــثـرتها بأرض الكــويت الــمــناحـات
ساد الحزن في كل شارع وكل بيت = حــتى الـطـيـور إسـتاحـشـت والنبـاتات
خليتنا والله بلا قلوب واقفيت = نزعــتـها منـّـا عــلى غير مـشـهــات
انا اشهد إنك صح كفيت وفيت = فـيـنا مــن وسـومك لك الله عــلامـات
بسـّـك وإذا لأفعالك القشر حـنيت = بــالـك تــجي لـبـلادنا والــزعــامـات

منقول

المشاركة الأصلية كتبت بواسطة متعب العتيبي الله لايهينك يابن ثربان والقصيده للشاعر مبارك نايف ابو ظهير من دولة الكويت الشقيقه يعطيك العافيه يابن ثربان

المشاركة الأصلية كتبت بواسطة ابـن نـعـيـس رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه رائعه يعطيك العافيه تحيااااااااااااااااااااااااااااااااااااااااااااااا ااااااااتي