اول مشاركه السلام عليكم ورحمة الله وبركاته
 

السلام عليكم ورحمة الله وبركاته

اخوني شعار منتدى الهيلا الكرام يسعدني ويشرفني ان اكون وان شارك معكم والاستفاده من الشعار المتميزين وشكرا

ياسلام الله سلامن عــــدل مافيه انقلابه00000يارجال اهل الوفاءوالطيب ورجال الحميه

ياعتيبه كثروا الشعار والاسماء تشابه00000بعضــهم مــــحلا كلامه بعضـهم صاير بليه

عايض الدوسري الله يحييك :



مرحبا ترحيبةٍ بالضيف في حلة عتابه *** واجب الترحيب بالضيفان ياعايض عليّه .


كان حاسدنا عليك الله تدعي با لاجابه *** لين تلقى للدواسر من بختنا لو شويه .

..
..
حياك الله يالدوسري وصح لسانك
ولسان ابو متعب ..
..
واصلوا ...

,
حياك الله يالدوسري

وتسلم يابو متعب ياراع الواجب

رحبت بالضيف . واصلوووو متابعين ..

، ، ، ،
، ، ،

الدلبحي

يالله انك تحييه ، وصح ابدانك ،،
شكرا لمرورك الطيب .

خلووووها

البقا يالـــــي ترحب والعتيبي به ذرابـه000000كمل الواجب وارحب يـابشر ميــه بميه

ماني بحاسدك جعل الله يرزق من دعابه00000خــــل نياتك سليمه قـــــالوا النيه مطيه

صح بدن الجميع وشكرا على الترحيب والمرور

تحياتي للجميع

صح السانك يابومتعب وسلمت

هذي والله الترحيبه اللي يعدونها الرجال للرجال

الله الله



انت الك نيه ولكن تحسبن محدن درابه *** بدّل النيّه ........ قبل لا تنتبدل لك بنيه .


البلد يا لدوسري منبع لذوليك الذيابه *** ذكرهم معروف مبطي من عصور الجاهليه .

صح بدنك يابن العم ...
والله يعطيك العافيه ياذياب ...
...
.
وتراني اعتب عليك ... |168|

الله الله



انت الك نيه ولكن تحسبن محدن درابه *** بدل النيّه قبل ............... لا تنتبدل لك بنيّه .


البلد يا الدوسري منبع لذوليك الذيابه *** ذكرهم معروف مبطي من عصور الجاهليه .

حياك الله يالدوسري

وتسلم يابو متعب ياراع الواجب

الله يحييك ياغشام نجد ،،،
هذي والله الليله المباركه يوم جيت
طال عمرك ،،


تحياتي لك ...|169|

الله ياسلا م ياسلام


يابو مشعاب بدون قصور فالدوسري


محاوره شعار كبار لهم وزنهم وثقلهم فالمنتدى



واصلوووووووووووووووا

ياهلا ومرحبا بك ياعايض

ولاهنت يابو مشعاب على الترحيب وبيض الله وجهك

صحت السنتكم واصلوا متابعين

حياك الله يالدوسري

ولاهنت يابو متعب


واصلوووووووووووووووا

(( شاعر روووق ))

الله يحييك ياطويل العمر ، وانا تلميذ من تلاميذ
الاساتذه والشعراء مثلك وشرواك ،،
مرة اخرى اشكر لك مرورك الفواح بالمسك ..

ابومشعـــــــــــــــــاب امســك المشعــــــــاب زين يابن العــــــــــــم
ولانيــــب اوصيـــــك
:)

صــــــــــــح لســـــــــانك ولســـــــــــــــــان الدوســــــــــري والله يحييـــــــــــه .

أفاااااا

يابومتعب

كلش ألا عتبك ياطويل العمر

رغم أني مادري باسبابه

اللطام
مرحبا والله ومسهلا ،، افاااا علاك
ولاتوصي حريص ،، الله لا يهينك حضورك
يزيد الشرف . |189|

خلوووووها

نيتي وحده وابومشعاب مانحسب حسابه00000مير جر الصـوت جره بالحون السامريه

البلد محـكــــوم لا ال سعود مافيها طلابه00000هم ذراكم يالعتيبي هم ذرى نجد العذيه

الشمالي صح بدنك ولاانت

الله الله


انت ياعايض اظنك من جديدين الكتابه *** ماتعرف تصيغ بيتك والحروف الابجديه .

ابك حنا السيف وهو نصابته وانتم خضابه *** وكان تبغون الحقيقه كلنا ضمن الرعيه .




هههههههه

الله يخارجنا من مشوارك ياعايض .|197|

خلوووووووها

اكثر الشعار يرمي مــير قلــي وش رمابه........رمــــاين بالبندقيه يوم رميي مدفعيه

احمدالله سيفن مسلول من عهد الصحابه.........مانجيب الاصحيح ومانسمى مهايطيه

ارحب يامشرف

وصح بدنــــــــك

وشكرا على مرورك

ولاهنـــــــــــت

الله الله
،
، ،
، ، ،


واكثر الشعار لامنه رمى تصفق ركابه *** ياعسى منته من الشعار ذوليك الغبيّه .


لا تحسبنّا نهايط فعلنا كل ٍ حكابه *** والصراحه يالدواسر كلكم منتم بشيّه .

خلوووووها

يالعتيبي لورمينا نفقد الشاعر صوابه00000مير طع شوري وقلي مالك ومال الاذيه

ياولد مغير نمزح معك مافيها غرابه000000نعم بالــــــعتبان والذمه من الذمه بريه