قال العصيمي من ضميـره تهيـض=كما الدر من خلـف لذيـذ شرابهـا
تكلـت المربـاع والصيـف كـلـه=وخريفهـا مامـل منهـا جنابـهـا
نشق الدير بين الرضـا والغصيبـه=على شان حمر وسمها فـي رقابهـا
واليا شعاها صايـح مـن خريمـه=غزيـز خيـل سابقتـهـا ركابـهـا
ولحقوا على زينات الاوعـاد ضمـر=سـواة الاهلـة معتبيـن حزابـهـا
لحقوا وثـار الملـح بيـن الدياقـا=في عبلـة بيضـا يلالـي سرابهـا
وصاحوعليهـم صيحـة عاصمـيـه=بصافي الحديد اللي معـرب زهابهـا
راحوا شلايح فـي يـدا كـل مقـدم =روحة يعرضهـا الخطـر مايهابهـا
عصيمي وشيباني ومذخـور مفلـح=واولاد القثامي نومست من عدى بها
برقا هل العادات في الليـن والقسـا= والاد ثابـت مانسينـهـا جوابـهـا
اهمـه مبانينـا ومرسـى جدودنـا =ذياب تلهـب فـي مراسـي ذيابهـا
والاد النفاعي والطفيحـي وسربتـه=لطم الاعادي شيبهـا مـع شبابهـا
لو انه بعيد ونـازح عـن ديارهـم=سو المشوك ما سلم مـن صوابهـا
والاد المقاطي وروق كسابـة الثنـا=كسابـة النامـوس يـوم اعتقابهـا
ناحو رجا ل الشام والشرق واليمـن=وثنوا مطاويع العدى مـع صعابهـا
وانا احمد الله يوم انا مـن عتابـه=درعي عـن ايـام كثيـر حسابهـا
سواة البحر ما طبحـه كـل سابـح=يقع بالمذلة والمراكـب غـدى بهـا
وفكرت في الهجرة وهاجوس خاطري=وفكرت فيها يـوم اشـوف اقتلابهـا
تجي البنـادم بيـن خـوف وغفلـه=وتغثرب الماء عقب صافي شرابهـا
ولو زينت له يـوم بالطيـب منهـا=اليـوم الاخـر ماتخلـي عيابـهـا
ومن عاش فيها قال ساعة استقـرت=قـرت لـي الدنيـا ولازم نصايهـا
مايـدري انـه ميـت عقـب ميـت=تلعب به اللي شذبهـا فـي عقابهـا
مرحوم يامن هو على العـز والنقـا=تمـوت روحـه ماتقفـت قرابـهـا
ولا هو بضيق الصدر عند ابن عمـه=تغطي بروح مـاش حـي سرابهـا
ولاياخذ الـزلات مـن كـل جاهـل=ا ليـا سمعهـا يـم بيتـه سرابهـا
يشيلهـا شيـل الجمـل للعـدايـل=واليا وصل ميحـال ربـي رمابهـا
حاذور لاتشنى عضيدك مـن المـلا=لوشفـت لـه روح كثيـر حسابهـا
ومشايـن الاخـوان ويـا القرايـب=مثل الحصون اليا استلمهـا خرابهـا
عدت به العربان مـن كـل جانـب=وقوم تسج ابهـا العـرب واذهابهـا
ومن صار روحه عن مشاين قبيلتـه=واكرم ضيوفه يـوم تلفـي ركابهـا
وكفى حياض الخصم باهون بصيرته=ونطح مع اول عزوته في اشتبابهـا
واختم كلامـي بالنبـي والصحابـة=عـداد ماخـط القلـم فـي كتابهـا
وعـداد ملاحـت بـروق المخايـل=من المزون اللـي تناشـا سحابهـا

المشاركة الأصلية كتبت بواسطة فيصل المسعودي صح لسان العصيمي قصيده جزله ووافيه تشكر على نقلها تحياتي

المشاركة الأصلية كتبت بواسطة وليد الزراقي وانا احمد الله يوم انا مـن عتابـه درعي عـن ايـام كثيـر حسابهـا صح السانك ولسان شاعرها ومشكور على النقل الطيب تحياتي

المشاركة الأصلية كتبت بواسطة ((الدلبحي)) صح لسان العصيمي قصيده جزله ووافيه لاهنت تحيااااااااااااااااااااااااتي

المشاركة الأصلية كتبت بواسطة قحص الاخ مطرح البعارين صح السانك والسان الشاعر لاهنت على القصيدة الجزلة

المشاركة الأصلية كتبت بواسطة نواف2007 صح لسانك ولسان العصيمي قصيده رائعه وجزله

المشاركة الأصلية كتبت بواسطة اثلث مشكور اخوي مطرح البعارين على القصيدة وصح لسانك ولسان العصيمي ولك كل الحب والمودة